→ كل الوصفات

دجاج محمر بالارز 😋❤️

طريقة عمل دجاج محمر بالارز 😋❤️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • دجاجة
  • 2 كوب ارز
  • 1 ياوورت طبيعي
  • ملعقة ك خردل
  • سنة ثوم
  • ملح
  • فلفل اسود
  • فلفل احمر حار
  • راس الحانوت
  • زنجبيل مطحون
  1. ننظف الدجاجة و نغسلها مليح بالخل و الملح ثم نخليها تنشف مليح فالثلاجة باش نحط التتبيلة عليها.... نوجد التتبيلة بخلط كل مكوناتها ثم نبدا ندهن الدجاجة مليح مليح تحت الجلد و الصدر وكل منطقة بالتتبيلة ونخليها عليها مدة 7 دقائق (نشعل الفرن مسبقا)
  2. نحط في كاسرون الماء يغلي مع ملعقة ك زيت، ملعقة ص ملح بعد مايغلي نحط الارز 250 غرام نخليه يغلي 10 د يعني ميطيبش مليح (باش يكمل الطياب فالفرن).... بعد مانحي الارز نخلوه يبرد ممبعد نحطولو التتبيلة المتبقية تاع الدجاجة و نحطوه على جنب 👍
  3. نجيبو سنيوة و علبة الطماطم المصبرة فارغة نملؤوها بالماء و نحطو الدجاجة(الدجاجة نوقفوها من خلال العلبة تاع الطماطم المصبرة يعني الدجاجة نجلسها فوق العلبة مملوؤة بالماء 😂😂 باش تتوزع الحرارة عليها و تطيب مليح) اما السنيوة نحط فيها الماء وكل ماينشف نزيد الماء وندخلها للفرن على درجة حرارة عالية 🔥🔥تقعد مدة 2 سا
  4. بعد 2سا نجبد السنيوة نضع الدجاجة جانبا بعد ما ننزع علبة الطماطم و نوزع الارز في السنيوة و نحط صلصة الطماطم ولا الكاتشاب و نحط الدجاجة فوق الارز و نسقيها بالمرق (نجهزوه سابقا متكون من :طماطم، ماء ،زيت، ملح، فلفل اسود طماطم مصبرة) وندخها الفرن بعد ما يستوي الارز نشعل من فوق
  5. واخيرا بالصحة و العافية 😘😋😋❤️
عجبتك الوصفة؟
شوف كل وصفاتنا في مكان واحد
كل الوصفات →