→ كل الوصفات
#وصفات_ام فراس_وميار الف سكر ليكم حبيباتي والف سكر على 500متابع وانشالله ربي يقدرني ونقدم الافضل وشكرا على ثقتكم لي نحبكم 💋❤
المقادير
- دجاجة متوسطة منقية ومغسولة
- تتبيلة دجاج
- م ك موطارد (خردل)
- ملح وفلفل اسود حسب الرغبة
- ثومتين
- عصير ليمونة
- 1/4 م ص كمون
- 1/4 م ص راس الحانوت
- 1/4 م ص فلفل احمر
- 1/4 م ص زنجبيل
- قليل من كركم
- 1/4 م ص توابل شاورما
- علبة ياغورث ناتيرال
- ملعقة زبدة
- حشو الارز داخل دجاجة
- 1/2 كاس ارز
- كاسين ونصف ماء
- ورقتين رند (غار)
- ملح حسب الرغبة
- بصلة صغيرة
- ثومتين
- صينية بطاطا والارز
- 4 حبات بطاطا كبار
- فلفل حار اتنين
- ملح حسب الرغبة
- رشة توابل
- م ك طماطم مصبرة
- معدنوس (بقدونس)
- بصلة كبيرة
- حبة طماطم
- ثومتين
- ربعة كاس ارز مغلي ل10د
- خلطة باه تعطي تحميرة شابة لدجاجة:
- 1/2 م ك طماطم مصبرة
- ملعقة زبدة
- ملح
طريقة التحضير
- بسم الله الرحمن الرحيم اول شي نثقب دجاجة بالموس و نخلط كل مقادير تتبيلة وندهن دجاج من تحت جلدة وفوق وداخل جيداا ومن جهة نحط بصلة صغيرة مفرومة مع ثومتين ونصف كاس ارز ونحط تقريبا توابل لي حطينا في دجاجة ورقتين رند (غار) نقليهم شوي ثم نمرق بكاسين ونصف ماء ل10د ونصفي ونحتفظ بالماء الارز ثم نحشو دجاجة بالارز ونخيطها وبالخيط نمسك رجليها ونخليها ليلة كاملة في ثلاجة
- وفي الغد انشاءالله نقطع بطاطا دوائر مع بصل وفلفل حار ونضيف توابل ملح فلفل اسود وكمون وراس الحانوت و ملعقة زيت وم ك طماطم مصبرة ومعدنوس ونضيف ماء، الارز لي احتفظنا بيه في مرحلة الاولى واذا قليل زيدي شوي ماء وخلطي كل وصتفي بطاطا في صينية وفي وسط نحط ربع كاس ارز خطوة اختيارية ممكن تكتفي بارز لي في وسط دجاجة ونفرغ عليهم ماء لي نقعنا فيه بطاطا ونحط فوقهم دجاجة ونغطيها بورق طبخ ثم بالايمنيوم وندخلهم للكوشة تكون نار متوسطة لساعة ونصف
- وبعد ماتطيب بطاطا ننزعها ونرجع دجاجة تكمل طيابها نعاود نلفها بورق طبخ والايمنيوم هاذاك ونحطها في صينية فيها قليل من ماء تزيد تكمل ساعة غير ربع هكاك وانت وحجم دجاجة
- وبعد ماتطيب نجيب نصف ملعقة كبيرة طماطم مصبرة و ملعقة زبدة وملح ونخلط وندهن وجه دجاجة كاملا ونحطها تدور في كوشة وبعد ما تأخذ تحميرة شابة ندخل صينية لي فيها بطاطا مع سخانة لي في كوشة تسخن ونقدمها والف صحة
- اخدت معايا طياب ساعتين وساعة نصف تحميرة 😊
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد