→ كل الوصفات
#تحدي_الدجاج 🐔
المقادير
- 1 دجاجه حجم وسط
- 1 م ص فلفل اسمر
- 1 م ص كاري
- 1 بصلة وسط
- 1 م ص كركم
- 2 سن ثوم
- 1 م ص ملح او حسب الرغبه
- 1 م ك كاتشب
- 1 م ك خردل
- 2 م ك زيت زيتون
- فلفل حار حسب الرغبه
- ½ كوب ماء
- 1 كيلو رز بسمتي
- 1 م ك بهار حب خشن
- 1 م ص فلفل اسمر
- 1 م ص قرفة مطحونه
- 2 م ك زيت
- 1 م ص كار
- 1 م ص ملح
- 400 غ ملوخيه مفرومه (انا بفرزهم كل كيس 400 غرام)
- 2 حبة صغيرة بندورة حمرا
- 1 لتر مرقة دجاج
- ثوم مدقوق للطشة😋😋
- ملح حسب الرغبه
- 2 كوب فريكة خشنة
- 1 بصلة متوسطة الحجم
- مرقة دجاج او ماء حسب الحاجه
- 1 م ص كاري
- 1 م ص كركم
- 1 م ص قرفة مطحونه
- 1/2 م ص ملح
- 1 م ص فلفل اسمر
طريقة التحضير
- تحضير الفريكه اولا لحتى نستخدمها في حشي الدجاج. نضع زيت الزيتون ونقلي البصل فيه ونضيف الفريكه ونقليها. نضيف البهارات والملح ومرقة الدجاج ونتركها لتغلي وبعدين على نار هاديه لتستوي. مرقة الدجاج او الماء للفريمه بالنسبه الى ما الها عيار الفريكه بتتحمل زيادة مرقه
- لتحضير الدجاج المحشي والمحمر. اولا.. نحشي الدجاج بالفريكه المفلفله(انا بحشييها بعد الطبخ مفلفله في كتير بيحشوها نيه لحتى تستوي مع الدجاج.. لكن انا بفضلها مطبوخه لانو متل ما قلت الفريكه بتتحمل طبخ) بالخلاط بنحط كل المقادير ونضربها ونضيفهم على الدجاجه ونتركها ساعة.. بالصينيه بعدين بنضيف نص كاسة الماء ونغطيها وعلى الفرن لمدة ساعة ونص لتستوي وتتحمر
- عمل الملوخيه... انا بنقي الملوخيه ونظفها وافرمها وبفرزها لوقت الطبخ كل كيس ٤٠٠ غ بعملولي طبخة لانو عيلتي صغيرة. بنحط الملوخيه المجمدة او الطازه حسب ما متوفر عندك وبنضيف مرقة الدجاج و نتركها تغلي وبنقش الرغوة. بنضيف حبتين بندورة صغار بنصهم بالنص بدون ما نفصلهم عن بعض وبنضيف الملح ونتركها تغلي
- هيك الملوخيه جاهزه بنجهز طشة الثوم مع قليل من الزيت ونحطها على الملوخيه ونتركها ٥ دقائق وهيك جهزت
- عمل الرز المبهر. نحط الزيت بالطنجرة ونضيف الرز ونقلي معو ونضيف البهارات ونقلب شوي... بعجين بنضيف المرقة او الماء وبعد مايغلي نترك على نار هاديه ربع ساعة
- وهيك جهزت السفرة عنا وصحه والف عافيه إن شاء الله تعجبكم ☺️☺️☺️👍👍
- لاتنسي التتبيله😅😅😅... ليمون 🍋 وفلفل🌶️وتوم🌰 طولت عليكي بعرف لكن هادي عمتني. اياها حماتي ربي يرحمها بيحبو ياكلوها هيك... صمه والف عافيه 😍😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد