→ كل الوصفات
جربو الوصفة وشاركوني تطبيقاتكم 😊
المقادير
- كيلو بطاطا
- 4 قطع دجاج
- حبة بصل
- 4 فصوص ثوم
- م ص ملح فلفل اسود كركم زنجبيل كزبرة
- توابل الدجاج راس الحانوت فلفل أحمر حلو ملعقة صغيرة
- ورقتين رند (غار) ملعقة صغيرة زعيترة
- م ص سمن كاتشب مايونيز
- م ص عسل
- موتارد (خردل)
- حبات زيتون وشرائح الليمون وفلفل حار مخلل للتزيين
طريقة التحضير
- في إناء نرابي البصل والثوم ونحط كل التوابل مع بعض ونخلطهم ونعمل ثقوب في قطع الدجاج وندخل التتبيلة فيهم مليح ونخليهم ليلة كاملة في الثلاجة وبعد متتبيلة تدخل فيهم مليح نديرهم في كيس الشواء مع الرند ونقفل الكيس نحطو في بايركس يدخل الفرن ندير فيه شوية ماء ونثقب الكيس وندخلو الفرن يطيب (يستوي) راح يجي هايل ويطلق العصارة نتاعو تجي بزااف بنينة نخليها نصف ساعة على 180 درجة
- نقلي البطاطا ونقطرها من الزيت ونحطها فلمول بهدا الشكل وكي يطيب (يستوي) الدجاج راح نحيه نحطو فوق البطاطا وهديك لاصوص لي خرجت من الدجاج نديرها على البطاطا وندخلها الفرن تتجمر باش لبطاطا تشرب المرق نخليها ربع ساعة ونخرجها ونقدمها مع شرايح الليمون وقرن حار مخلل وزيتون 😊
- تحبو تقدموها هكدا ولا سقيو في كل صحن وحدو مع سلطة انا عملت سلطة مشكلة فيها خيار زيتون جزر لوبيا خضراء ماييس طماطم بصل فلفل الوان وبالصحة والراحة 😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد