→ كل الوصفات
بحب الدجاج المشوي على الفحم جدااا ولكن مش صحى خالص ف جربته بطريقة تانيه تكون نفس الطعم وصحيه عن الفحم
المقادير
- دجاجه متوسطة الحجم
- بصله
- فصين ثوم مفروم ناعم
- معلقتين صلصه
- ملح
- معلقه ك كمون
- معلقه ص كسبرة
- معلقه ص فلفل اسود
- معلقه ص كارى
- معلقه ك بهارات دجاج
- 1/2 معلقه صغيرة قرفه
- 1/2 معلقه جنزبيل
- رشه ملح ليمون او عصير ليمونه
طريقة التحضير
- نغسل الدجاج كويس بالخل والليمون والملح ونقطعها زى ما نحب انا قطعتها 8 قطع
- نقطع البصل شرايح ونحط فصين التوم والصلصه والملح وكل البهارات ونقلبهم كويس جدا
- في حله نتبل الدجاج بين العظم وتحت الجلد ونتركه ساعتين يتبل كويس ولو قبلها بيوم يكون احسن
- نضع الدجاج على نار هاديه لحد ما يستوى وطول ما النار هاديه مش هنحتاج نزود مياه
- لما استوى نرصها ف صنيه ونحطها فالفرن تحت الشوايه عشان تاخد اللون الذهبي الجميل من الجانبين
- نولع فحم ونحطه وسط الدجاج ونحط عليه قطع لية خروف او دهن او سمن او زيت ولكن بالدهون الحيوانيه احلى
- ونغطيها شويه وبكده تكون اطعم فراخ مشويه وبصحتين وهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد