→ كل الوصفات
#امي_جنتي بس ماما اللي خدت منى الوصفة 😁 اسمها برضو دجاج كانتون بنروح المطاعم ناكلها دلوقتى بقت اسهل في البيت
المقادير
- صدور دجاج
- معكرونة شرايط او اي نوع
- 1 جزر
- 2 فلفل متوسط
- 1 بصل كبيرة
- 1 كوسه كبيرة
- صويا صوص
- كاتشب
- 2 م نشا
- دقيق
- ملح
- فلفل
- 2 م ص سكر
- خل
طريقة التحضير
- نقطع صدور الدجاج مكعبات ونتبلها بالملح والفلفل
- في طبق هنحط دقيق ونشا وفلفل وونزل بالفراخ ونقليها في زيت غزير لحد ما تأخذ لون ذهبي كده
- هنقطع الخضار لو في حاجه مش بتحبوها او مش متوفرة ممكن تلغوها
- في طاسة هنحط ملعقة زيت وننزل بالخضار يادوب يذبل
- هنضيف صويا صوص وكاتشب ونقلب.. بعدين ملعقة سكر صغيرة او ممكن عسل اسود وبعدين ملعقة خل ونقلب
- هنزود كباية ماء متدوب فيها ملعقة نشا تغلى غلوة ونظبط قوام الصوص
- لو الصوص تقل ممكن نزود شوية ماء وننزل بالفراخ نقلبها ونسيبها دقيقتين في الصوص
- وده الشكل النهائي
- المعكرونة هنعملها بنفس الخطوات.. زيت يذبل الخضار.. صويا صوص وكاتشب ونقلب.. سكر وخل.. ملعقة نشا ونص كباية ماء سلق المعكرونه.. نظبط القوام وننزل بالمعكرونه
- وبالهنا والشفا 😘😘🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد