→ كل الوصفات
#ماستر_شاف من الوصفات الرائعة لي تناسب فصل الصيف ولي تكون حاضرة بالعرضات الخفيفةوالمناسبات البسيطة هي الدولمة بكل أنواعها ، انا ليوم أخترت لكم هذه الوصفة البسيطة باللحم المفروم ولي تجي بزاف بزاف بنينة وارجو ان تعجبكم
المقادير
- كمية من اللحم المفروم او دجاج مفروم
- 3 حبات كورجات أو كوسة
- 3 ريسان فلفل حلو
- كمية من الحمص
- ملعقة كبيرة طماطم مصبرة
- حبة بصل متوسطة
- راس حبة ثوم
- أقل من النصف ملعقة كبيرة ملح
- 3 ملاعق كبار زيت
- ملعقة صغيرة زبدة
- كمية من المعدنوس
- فنجان قهوة أرز ابيض مغسول
- ملعقة صغيرة من التوابل
- فلفل أسود
- كمون
- زنجبيل
- راس الحانوت
- الماء الساخن
طريقة التحضير
- في وعاء نضع كمية اللحم المفروم ونضيف له كل من الأرز والتوابل والمعدنوس مقطع ملعقة صغيرة زبدة الملح نصف حبة بصل مقطعة و3 سنات ثوم كبيرة ونخلط جيدا حتى يمتزج الخليط ونتركه جانبا
- في مهراز نضع كمية الثوم المتبقية مع ربع ملعقة من كل تابل مع الملح ونهرس جيدا اي الدرسة
- في كوكوتا نسكرفج نصف حبة البصل المتبقية ونضيف لها الدرسة والحمص وملعقة الطماطم المصبرة والزيت والملح ونتركها تتقلى فوق النار
- من جهة أخرى تأخذ الخضر لي عندنا ونفتحها في الوسط ونشكل فراغ بحيث نقدر نعمرهم بالداخل باللحم وقبل ذلك نأخذ كمية من الملح والفلفل الأسود ونخلطهم مع بعض ونقوم بدهن الكورجات من الداخل يعني في الفراغ قبل ما نعمرهم ثم نضع الحشو بالداخل ومنعمرهمش بزاف لأن الأرز راح ينتفخ نخلو شوية فراخ من فوق
- بعد ما يتقلى البصل نمرق بماء ساخن ونضع الخضر نتاعنا وكي تغلي نخلق على الكوكوت وبعد ما تصفر الصفارة تنقص للنار فالوسط وتخليها أطيب على معاها باش الحمص يطيب زبدة وشهية طيبة إن شاء الله
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد