→ كل الوصفات
طريقة عمل دوناتس بحشوة الكاسترد سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 اكواب دقيق
- كوب لبن دافئ
- بيضتين
- 1/3 كوب سكر
- 1/3 كوب زبدة سايحه
- كيس خميره
- ذرة ملح
- كوبين لبن
- 1/3 كوب سكر
- 1/3 كوب نشا
- 3 بيضات
- فانيليا
- قشر برتقال لو متوفر
- زيت غزير للقلي
- معلقة زبدة
طريقة التحضير
- لتحضير العجينه كوب اللبن مع السكر والخميرة ونقلب كويس لحد ما السكر يدوب ونسبهم يخمروا ع جنب لحد ما نحضر باقي المكونات
- نحط الدقيق المنخول والبيض والزبده وذرة الملح وخليط الخميره كلهم على بعض ونفضل نعجن لحد ما لعجينه تلم وتبقي مطاطيه وفيها تلزيقه خفيفه بتبقي جميله اوي ونسبها تخمر متغطيه في مكان دافئ دي شكلها بعد مااختمرت
- في الوقت العجينه فيه بترتاح بنحضر الكاسترد، بنحط كل مكونات الكاسترد ع بعضها ف كسروله ماعدا البيض والفانيليا ونقلبهم جيدا ونرفعهم ع النار. وبنضرب البيض والفانيليا لوحدهم ف جنب وناخد من الخليط ال ع النار شويه وبننزل بيه ع خليط البيض وهو لسه دافئ علشان البيض ميتطبخش ونرجع خليط البيض بعد كده ع خليط النشا ونقلب بالمضرب كويس علشان ميتكتلش
- وبعدين بنفضيه ف بوله زجاج او طبق بلاستيك بيدخل الميكرويف علشان صحتكم لان الخليط بيبقي سخن جدا ونحط عليه أي كيس بلاستيك او استرتش علشان الوش ميشققش يبرد وندخله التلاجه
- ملحوظه: بعد مانطفي ع الكاسترد ع طول نحط قطعة زبده ده بيخليه كريمي اوي اوي اللهم بارك
- بعد مالعجينه تخمر بنفرد العجينه بسمك سم ونص ونقطعها دواير باي شكل عندكم أو كوباية 😅😅 زي ماعملت ويفضل بعد التقطيع تحطوهم ع ورق زبدة وتقطعوه مربعات صغيره وتحطوا فوقه الدوناتس أو تعملوا زي برضه وتحطوا طبقة دقيق تحت العجينه قبل الفرد لحد ما تخلصوا الكميه وتسبوهم يخمروا بعد التقطيع نص ساعه كمان وتغطوهم
- ع النار بنحط طاسه فيها زيت للقلي يكون غزير شويه يدفي زي دمع العين علشان الدوناتس متتحرقش من بره وتكون نيه من جوه اول ما بنحطها بتعمل فقاقيع زيت حواليها صغيره اوي وبتزيد وبتفضل النار دي مستمرة طول فترة القلي هاديه وقبل ما نحط الرصه اللي بعدها بنقفل ع الزيت يهدي شويه ونكمل
- بعد ماتبرد الدوناتس خالص بنحفر فيها من جوه باي ضهر معلقه أو عيدان الاكل ونحشيها بالكاسترد بعد مانحطه ف كيس حلواني أو كيس تلاجه حتي وتفتحوا فيه حته صغيره من فوق وتحشوها وممكن تحشوها مربي أو شيكولاته أو زبدة لوتس وشكلها بتبقي تحفه ومن جوه عاملة زي عجينه الكيكة اليابانيه وبالهنا والشفا ♥️♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد