→ كل الوصفات

دوناتس بعجينة هشة وقطنية بصوصات منوعة 😋💓🍩

دوناتس بعجينة هشة وقطنية بصوص اللوتس وبسكويت اللوتس والشوكولاتة البيضاء وبسكويت الأوريو 😋💓🍩 الدوناتس 🍩 من المعجنات اللذيذة 😋 جداً كلنا بنحبها صغار وكبار🤩 هعلمك النهاردة طريقة عمل الدوناتس بعجينة هشة وقطنية وبطريقة سهلة💪✌️ وزيني الدوناتس بعد كدة زي ما تحبي انا زينتة باللوتس وبسكويت اللوتس والشوكولاتة البيضاء وبسكويت الأوريو انتي ممكن تزينية زي ما تحبي جربيه أكيد هيعجبك 😍❤️👌🏻 #المريول_الذهبي #هرمون_السعادة

  • 2 ونصف كوب دقيق
  • 2 ملعقة كبيرة سكر
  • 2 ملعقة كبيرة حليب بودرة
  • 1 ملعقة كبيرة خميرة فورية
  • رشة صغيرة من الملح
  • 1 بيضة
  • 1 كوب ماء
  • 2 ملعقة كبيرة زبدة طرية
  • 1 ملعقة كبيرة خل
  • 1 كيس فانيلا
  • شوكولاتة بيضاء
  • بسكويت أوريو
  • صوص لوتس
  • بسكويت لوتس
  1. أولاً جيبي طبق عميق وحوطي فية الدقيق والخميرة والسكر والحليب البودرة ورشة الملح وقلبيهم مع بعض كويس جداً 😍
  2. ضيفي بعد كدة البيضة والخل والفانيلا والماء والزبدة وأعجني العجينة كويس لحد لما تتكون معاكي عجينة ملساء وبتلزق شوية أعجني حوالى 7 دقائق متبخليش على العجينة في العجن عشان تكون حلوة معاكي 😍
  3. غطي العجينة وسيبيها تختمر لمدة ساعة وبعد كدة قسمي العجينة الى كرات صغيرة بحجم البيضة وبعد كدة أضغطي عليها حبة لحد لما تكون شبة القرص الفلاحي الطرية وسيبيها 10 دقائق تختمر مرة تانية😍
  4. إعملي فتحة في منتصف كل عجينة ممكن بإيدك او بأي أداة مناسبة ممكن تعملي بيها فتحة في المنتصف وحوطي دقيق تحت كرات العجين عشان متلزقش وتعرفي تشيليها بسهولة😍
  5. جيبى مقلاية وحوطي فيها زيت وسخني الزيت وهدي النار وبعد كدة حمري الدونات في زيت مش سخن اوي لازم يكون على نار هادئة وبعد لما تخلصي كل الكمية سيبية يبرد خالص 😍
  6. زيني الدونات بعد كدة بصوص اللوتس وبسكويت اللوتس والشوكولاتة البيضاء وبسكويت الأوريو او ممكن تزينية زي ما تحبي حسب ذوقك ورغبتك بجد حلو جداً والعجينة هشة وقطنية جربيه أكيد هيعجبك 😍😘💓🌷
  7. 😋😋😋😋😋😋😋
  8. 🍩🍩🍩🍩🍩😋
عجبتك الوصفة؟
شوف كل وصفاتنا في مكان واحد
كل الوصفات →