→ كل الوصفات
#دوناتس_شكولاته هش جدا وعجينته حلوه اوي ومش بتشرب زيت أثناء التحمير جربوا هايعجبكوا جدا ❤️
المقادير
- 1/2 كيلو دقيق
- نص معلقه صغيره بيكنج بودر ورشه ملح
- بيضه
- 1/2 ملعقه فانليا سايله او كيس فانليا
- 2 معلقه كبيره زبده
- معلقه صغيره خميره فوريه او قطعه صغيره خميره بيره
- معلقتين سكر
- 1/2 كوب لبن
- نص كوب ماء
- سكر بودر
- شكولاته خام للتزين واسبرنكل او شكولاته ملونه
طريقة التحضير
- نمذج الخميره مع السكر مع معلقتين مايه وتتقلب كويس ونسيبها لحد ماتخمر ٥ دقايق
- ننخل الدقيق ونقلب المكونات الجافه الدقيق والبيكنج بودر ورشه الملح
- نحط الفانيليا على البيض ونضرب كويس
- ندوب الذبده على نار هاديه ونسيبها تبرد
- نضيف نص كوب الميه لنص كوب الحليب وندفيه علي النار لحد مانقدر نحط صباعنا ف الخليط ومنتلسعش
- نجيب بولا ونخلط الخميره مع البيض
- وبعدين ننزل بالذبده وجزء من الحليب الدافي
- وبعدين نضيف الدقيق ونعجن كويس جدا ونضيف باقي الحليب حسب الحاجه لحد ماتبقى عجينه متماسكه وبتلزق حاجه بسيطه جدا
- بنسيب العجينه تخمر من ٣٠ ل٤٥ دقيقه
- بعد العجينه مابتخمر بنفردها ونقطعها بقطاعه الدوناتس وترتاح ١٠ دقايق وتتقلي ف زيت دافي وليس بارد عشان ماتشربش زيت
- لما بنشلها من الزيت بنحطها على مناديل ونرش شويه سكر بودره
- اخر خطوه بعد مابتهدي بنسيح شكولاته على حمام مائي او بخار ماء ونبدأ نغطي الدوناتس شوكولاته ونزين بخطوط شوكولاته او شيكوبون او اسبرنكل ملون
- بس كده وبالف هنا 😃😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد