→ كل الوصفات

دوناتس 🥯🍩

طريقة عمل دوناتس 🥯🍩 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 1/4 كوب دقيق
  • 1/2 كوب لبن دافئ
  • بيضه بدرجه حراره الغرفه
  • 1/4 كوب زبده سايحه
  • 2 معلقه كبيره سكر
  • فانيليا
  • معلقه كبيره خميره
  • رشه ملح
  • كوب نوتيلا
  • 2 معلقه زيت
  • 1 كوب سكر
  • 1 كوب لبن ساخن
  • معلقه كبيره نشا مدوبين في معلقتين لبن
  • 1 1/2 زبده
  1. اولا العجينه حطي السكر مع شويه لبن و عليهم الخميره عشان تختبريها و بعد 10 دقائق لما تفور حطيها على المكونات كلها و اعجنيهم 10 دقائق لحد ما تكون عجينه بتلزق بسيط و طريه امسحيها بنقطه زيت هي والطبق و سبيها تختمر ساعتين في مكان دافئ لحد ما يتضاعف حجمها
  2. افرديها على سطح مرشوش دقيق 1 سم و قطعيها بكوب او قطاعه الدوناتس و حطيها على ورق زبده عشان تكون سهله عند القلي سبيها ترتاح ½ ساعة
  3. اقليها في زيت مش سخن اوي و اقلبيها تأخذ لون من الناحيه التانيه و طلعيها على شبكه او ورق مناديل مطبخ
  4. ثانيا صوص النوتيلا حطيها مع الزيت على حمام مائي يعني حله فيها ماء و عليها طبق فيه النوتيلا لحد ما تذوب و تمتزج مع الزيت و بس كدا
  5. ثالثا صوص الكراميل حطي السكر في حله غويطه على نار متوسطه لحد ما يبدأ يذوب من تحت و قلبي بالمضرب اليدوي لحد ما كله يذوب و لو بدأ يغمق خففي النار و حطي الزبده و قلبي و عليهم اللبن و استمري في التقليب كويس لحد ما كله يذوب و حطي النشا بمعلقتين اللبن و قلبي لحد ما يتقل القوام معاكي و ضيفي رشه ملح بعد ما تطفي النار و قلبيهم كويس سبيه يهدي شويه و اخلطيه و حطيه في حاجه مقفوله و كدا يكون جاهز
  6. حطي الدوناتس في الصوص و سبيه يهدي و ممكن تخلطي سكر و قرفة تغمسي الدوناتس فيه بس و هي ساخنه و بألف هنا 💜
عجبتك الوصفة؟
شوف كل وصفاتنا في مكان واحد
كل الوصفات →