→ كل الوصفات
طريقة عمل دوناتس👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 كوب دقيق كبار
- ميه دافي حسب الاحتياج
- معلقه كبيره خميره
- معلقه كبيره سكر
- معلقتين كبار زبدة
- ½ كوب دقيق
- زيت للقلي
- التزيين حسب المتاح
طريقة التحضير
- في كوب ماء دافي هنقلب الزبده وندوبها معاها كويس اوي
- في بوله غويطة هنضيف نص كوب الدقيق ومعلقه السكر والخميره وننزل بخليط الميه والزبدة عليهم تدريجي ونقلبهم كويس لما الخليط يكون كريمي
- هنغطيها ونخليها حوالي ربع ساعه تنشط وتخمر
- بعد التخمير للخليط هننزل بباقي الدقيق وباضافه باقي خليط الميه المذاب فيها الزبده مع لم العجين كويس اوي لو احتاجت ميه تاني هنضيف ميه دافيه بسيط شويه بشويه
- ونلم العجينه لما تتكون عجينه طريه مش بتلزق وتسيب جوانب البوله وتخلع من الايد هنغطيها ونخليها تخمر نص ساعه
- بعد التخمير هنقسم العجينه كور بحجم اليوستفندي ونطبطب عليها ونفردها بحجم سم واحد على سطح مرشوش دقيق كويس او ورق زبده او ورق كراسه نضيف حسب المتاح تنفيذه
- ونخليه يخمر تاني حوالي ساعه بعدين نسخن الزيت ع حراره متوسطه وننزل بالقطع تستوي من تحت نقلبها تستوي من فوق
- نطلعها ع ورق مناديل لامتصاص الزيوت الزياده وهكذا لانتهاء كميه الدوناتس وبعدين التزيين حسب المتوفر والتذوق انا حشيته صوص كراميل وعلى الوش شيكولاته مذابه عالبخار وبس وبالهنا 💪👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد