→ كل الوصفات
وصفة دونات سريعة ولذيذة جدا ومن غير بيض ولا زبدة هناكل برده دونات عادي 👌😉
المقادير
- م ك خميرة
- 2 م ك سكر
- ½ كوب لبن دافئ
- 2 م ك سمنة
- م ك خل
- م ك بيكنج باودر
- ½ م ص ملح
- دقيق حسب احتياج لم العجينة
- ½ كوب لبن
- ½ كوب زيت
- ½ كوب سكر
- 2 م ك كاكاو خام
- م ص نسكافيه
- ½ كوب سكر بودرة
- ½ كوب لبن بودرة
- ¼ كوب زيت
- ¼ كوب لبن
- كريم باستري
- او كاسترد
- او صوص كراميل
- او نوتيلا
- او اي صوص فاكهة
- فورماسيل
- او سبرينكلز
- او مكسرات مجروشة
طريقة التحضير
- اولا العجينة : في بولة احط (الخميرة ، السكر ، اللبن) واقلب بالمضرب اليدوي ، بعدين (السمنة ، والخل) واقلب ، بعدين (البيكنج باودر ، ملح) واقلب ، بعدين انزل بالدقيق بالتدريج واعجن لحد لما اوصل لعجينة ملزقة شوية، اغطيها واسيبها تخمر من نص ساعة الي ساعة ،
- بعدين علي ورقة زبدة كبيرة رشيت دقيق ونزلت العجينة ، ورشيت عليها من فوق برده رشة دقيق ، وفردتها براحة وبسمك طخين شوية ، وبأي قطاعة قطعي الدونات ، انا قطعتها بكوباية وبغطاء صغير ، وفيه جزء قطعته من غير ما اخرمه من النص عشان دة اللي خرمته بالسكينة وحطيت فيه الحشوة ، وبعدين قطعت ورق الزبدة علي قد الدونات ، وقلتها في زيت غزير علي حرارة هادية عشان يستوي من جوة لبرة ، ولما يطلع طلعيه علي شبكة عشان يفضل مقرمش من برة وهش وطري من جوة ،
- بعدين جهزت الصوصات السابقة ونزلت فيها الدونات وزينتها زي الصورة ، وفيه دونات سبتها زي ما هي من غير ما اخرمها من النص ونزلتها في رشة سكر وقرفة واحشيها اي حشوة من الحشوات السابقة وبالف هنا 🙂
- 📌 ملحوظة : الصوصات السابقة مستخدمتش فيها أي نوع شوكولاتة (ولا شوكولاتة بني ولا شوكولاتة بيضاء) ، يعني الصوصات دي بديل للشوكولاتات وهتوفر معاكي وتقدري تحتفظي بيها في الثلاجة 👌😉
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد