→ كل الوصفات
أحلى وأسهل وصفة لعمل الدونات بجد هش وجميل جداً وهتعمليه من غير قطاعات الدونات🤩يالا جربيه وأعمليه وقوليلي رأيك 😍💖
المقادير
- 2 كوب دقيق
- 2 ملعقة كبيرة لبن بودرة
- 2 ملعقة كبيرة سكر
- 1 ملعقة كبيرة خل
- 2 ملعقة ذبدة طريه
- 1 ملعقة كبيرة خميرة
- 1/4 ملعقة صغيرة ملح
- 1 بيضة
- 1/2 كوب لبن
- 1/4 كوب ماء
- 1 كيس فانيلا
- للتزين نحتاج
- شيكولاتة مبشورة
- صوص شيكولاتة
- شيكولاتة كور كرسبي
طريقة التحضير
- أولاً في طبق غويط حوطي الدقيق والسكر والملح والخميرة ولبن البودرة وقلبيهم مع بعض بعد كده ضيفي البيضة والفانيلا والخل والذبدة واللبن والماء وأعجنيهم مع بعض كويس لحد لما تتكون معاكي عجينه ملساء وبتلزق شوية وأعجني حوالي٧دقايق متبخليش على العجينة في العجن عشان تكون حلوة معاكي 😍
- جيبي طبق غويط وحوطي فيه حبة زيت وحوطي العجينة فية وغطى الطبق وسيبي العجينة تخمر ساعة ولما تخمر جيبي صينية كبيرة ورشي عليها دقيق وكوري العجينة كور بحجم البيضة وغطى الصينية وسيبي العجينة تخمر تاني حوالي 10دقائق 😍
- بعد كدة لما تيجي تقلي العجينة في الزيت هترشي دقيق على كل كورة وتعملي فتحة من المنتصف باستخدام صابع إيدك وبعدين شيلي العجينة بالراحة واقليها في الزيت وخلي بالك عشان التخمير ميرحش من العجينه وكملي بئا كل كور العجينة بالشكل ده 😍
- ولما تقلي الدونات تكون النار متوسطة مش سخنه أوي عشان ميتحرقش منك😍
- حمري بئا كل كمية الدونات ولما يبرد حبة زينيه بالتزين إللي تحبية بجد روعة وهش وهيعجب الأولاد جداً وبالهنا والعافية يارب عليكي حبيبتي 😘😍❤️🌹
- 😋😋😋😋😋😋🍩🍩
- 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد