→ كل الوصفات

دونتس بحشو مختلفة 🤪

طريقة عمل دونتس بحشو مختلفة 🤪 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كوب دقيق منخول
  • بيضة بدرجة حرارة الغرفة
  • معلقة كبيرة زبدة بدرجة حرارة الغرفة
  • معلقة صغيرة سكر
  • رشة ملح
  • زيت للقلي
  • ¼ كوب لبن دافئ
  • معلقة صغيرة خميرة
  • شوكولاتة قابلة للدهن
  • كاسترد
  • مربى
  1. ننزل الدقيق في بولة العجين وعليه الزبدة ونفرك الزبدة مع الدقيق وعليهم الملح والسكر
  2. نعمل حفرة في النص وننزل فيها البيضة ونعجن باللبن شوية شوية لحد مالعجينة تلم
  3. ننزل العجينة على رخامة مرشوشة دقيق ونعجن لمدة ٥ دقائق
  4. وبعدين ندهن البولة زيت وننزل فيها العجينة ونغطيها بكيس نايلون ونسيبها تختمر لمدة من ساعة لساعتين في مكان دافئ
  5. بعد ماتخمر نخرج منها الهوا ونكور كور اد اللمونة الكبيرة ونبطها بسيط ونسيبها حوالي نص ساعة ثاني تتخمر
  6. وبعدين نقليها في زيت غزير دافئ علشان تستوي كويس من جوة ونفضل نقلب فيها في الزيت علشان ماتتحمرش بسرعة من برة
  7. بعدين نطلعها ونسيبها تهدى ونعمل فيها فاتحة بالمقوار ونخلى بالنا علشان ماتتخرمش من الناحية الثانية
  8. ونعمل كيس في الحشو ونقصه حتة صغيرة ونحشي بيه وبالف هنا😋😋😋
عجبتك الوصفة؟
شوف كل وصفاتنا في مكان واحد
كل الوصفات →