→ كل الوصفات

(ديناميييت العييييد)🫀🐄

الطريقة السيناوية لحلويات العيد

  • كلاوي
  • ربع فِشَّة
  • ربع طحال
  • ربع قلب
  • ربع كبدة
  • ربع لحمه كله مقطع مكعبات صغيرة
  • 1/4 كيلو دهن مقطع مكعبات صغيرة (عشان تسيح في الزيت)
  • 1 عود قرفة
  • ورقتين لورا
  • فلفل أسود
  • بهارات لحمه
  • 2 حبهان
  • رشة جوزة الطيب
  • 3 بصلات كبار مقطعة جوليان
  • ملح
  1. هنحط الزيت في طاسة على النار ونضيف قطع الدهن تسيح شوية
  2. بعد شوية لما الدهن تذوب وتاخد لون ننزل بالحلويات
  3. لما تاخد لون هننزل بالبهارات والملح
  4. لما تنزل ميتها خااالص وتبقي نص سوا ننزل بالبصل هيكون عدا عليها حوالي ساعة إلا ربع على النار
  5. بعد كدا هنوطي عليها النار لحد ما تستوي وتتحمر وتاخد اللون البني الغامق شوية اوعي تتحرق منك
  6. ألف صحة وعاااافية
عجبتك الوصفة؟
شوف كل وصفاتنا في مكان واحد
كل الوصفات →