→ كل الوصفات

رز ابيض بصوص حمراء بنينة وشابة

شهية طيبة حبابي نشاء الله تجربوها وتعجبكم 😘

  • حبة بصل مسكرفجة (مفرومة)
  • 3 سنات ثوم
  • حار حسب رغبة
  • حبة طوماطيش مسكرفجة (مفرومة)
  • حمص
  • كاس رز بسمتي
  • لحم
  • زبدة
  • 2 حبات بطاطا
  • ملعقة كبيرة طماطم مصبرة
  • ملعقة صغيرة مايزينة
  • كركم
  • زنجبيل
  • فلفل اسود
  • زعيترة
  • وحدة جامبو خروف او ملح
  1. في طنجرة نتاعي درت مغرف كبيره زبدة ولحم نتاعي وسنات نتاع ثوم رابيتهم و قليت لحم نتاعي مليح ومن بعد ضفتلو بصلة كنت مسكرفجتها و حار و زدت توابل وقليت مليح
  2. ومن بعد زدتلهم حمص و حبة نتاع طوماطيش مرابية ونقلي ومن بعد نديرلها مغرف كبيره طماطم مصبرة و مغرف صغيرة مايزينة (نشاء) باش ثقلي لاصوص نتاعي و نزيد نقليهم شوية ومن بعد نمرق ونغلق عليها طيب
  3. في طنجرة وحده أخرى ندرلها 4 كيسان ماء وشوية زيت ونخليها حتى تغلي كي تغلي نزيدلها كاس رز و شوية ملح ونحركوه ونخلوه يتسلق لمدة 10 الى12 دقيقه
  4. نقو هاديك بطاطا ونقطعوها كاريات ونقلوها
  5. كي يطيب (يستوي) رز نتاعنا نصفوه ونشلوه بالماء بارد و نديروه يفور لمدة 5 دقائق و من بعد ندهنوه بزبدة ونزيدولو بطاطا ونقدموه بصوص و زينوه بالبيض مغلي تزين كيما تبغو نتوما تقدرو فاني تقطعولو زيتون لخضر وتخلطوه مع رز
عجبتك الوصفة؟
شوف كل وصفاتنا في مكان واحد
كل الوصفات →