→ كل الوصفات

رز بالبسلة والجزر مع الكفتة المشوية 😋❤️

#وصفات_بالارز

  • 🔹3 كوب رز
  • 🔹1/4 كيلو بسلة (بازيلا)
  • 🔹3جزر مقطع مكعبات صغيرة
  • 🔹1 مكعب مرق
  • 🔹3 كوب ماء
  • 🔹1 ملعقة صغيرة كركم
  • 🔹1 بصلة مبشورة
  • 🔹3 ملاعق زيت
  • 🔹ملعقة زبدة
  • 🔹ملح حسب الرغبة
  • 🔹1/2 كيلو لحمة مفرومة
  • 🔹2 بصلة مبشورة
  • 🔹1 حزمة من البقدونس
  • 🔹1/2 ملعقة ملح
  • 🔹1/2 ملعقة فلفل أسود
  • 🔹1/2 ملعقة بهارات لحمة
  • 🔹1/2 ملعقةقرفة
  • 🔹1/2 ملعقة بابريكا
  1. أولا لتحضير الرز: نحضر حلة ونضعها على النار ونضع فيها البصلة المبشورة ونضع الزيت والذبده ونقلب البصلة لحد لما تصفر شوية وبعدين نضيف البسلة (البازيلا) والجزر ونقلبهم وبعدين نضيف ١كوب ماء ونسيب البسلة (البازيلا) والجزر لحد لما تستوي وتشرب الماء
  2. وبعدين نضيف الرز والملح والمرقة والكركم ونقلبهم مع بعض وبعدين نضيف الماء ونقلبهم وبعدين نغطي الحلة ولما الرز يتشرب الماء نهدي النار ونسيبو لحد لما يستوي وبعدين نقفل النار عليه☺️
  3. بالنسبة للكفتة: بنجيب طبق غويط ونضع فية اللحمة المفرومة والبصل والبقدونس وكل البهارات الموجودة في المكونات ونخلطهم مع بعض كويس وبعدين نضع اللحمة في الثلاجة 1/2ساعة ترتاح وبعدين نشكلها بأيدينا الشكل إلى تفضلي ونجيب صينية ندهنها بالزيت ونرصص فيها الكفتة
  4. ونغطيها بالفويل وندخلها الفرن على درجة حرارة 180 لحد لما تستوي معانا وبعدين نولع فحمة على البوتاجاز ولما نخرج الكفتة من الفرن نضع الفحمة في وسط الصينية على قطعة من الفويل ونضع عليها نقط من الزيت عشان تطلع دخان ونغطيها بالفويل عشان تأخذ ريحة الفحم ☺️
  5. قدمي بئا الرز مع الكفتة وأستمتعي بالطعم التحفة بجد ولو حبة تعملي فراخ مشوية أو لحمة مشوية هتكون حلو بردو بس الرز بجد طعمة تحفة جربية وهيعجبك جداً خطشير 🤩👌😃
عجبتك الوصفة؟
شوف كل وصفاتنا في مكان واحد
كل الوصفات →