→ كل الوصفات
مع بعض المواد للمسافرين لتطلع الطعمة💯 متل ببلادنا
المقادير
- 2 ليتر حليب
- كاسة رز قصير او 3 فناجين قهوة
- 300 غرام سكر
- 4 ملاعق نشاء
- علبة كريمة خفق بالسويدي vispgrädde لتزيد دسم الحليب
- ماء الزهر (اختياري) انا مابستخدمو
- فستق حلبي او اي نوع مكسرات (اختياري)
طريقة التحضير
- منغسل الرز بعدين منسلقن على نار هادية لحتى تنشف الماء بس مو عالاخر تنشف و يستوي الرز
- منضيف الحليب على الرز (يفضل تكون نسبة الدسم بالعلبة 3,5 او اكثر نسبة بتلاقوها)
- وبعدا منضيف كريمة الخفق (هي الكريمة بتعطي دسم للأكلة لان مافي هون حليب كامل الدسم متل بلادنا وهي الكريمة بتضيف نكهة حليب بلادنا)
- كل الشغل على نار هادية كل شوي نحركن منشان مايلزق الرز بأرض الطنجرة (انا بستخدم طنجرة تيفال)
- بس سخن الحليب منضيف السكر كاسة ونصف او 300غرام
- بصحن صغير منحط النشاء ومنحرك بماء باردة مو ساخنة ومنحركن منيح ليدوب النشاء لأن الماء الساخنة بتخليهن يجَمّعوا ومايدوبوا
- وبس غلي الحليب منضيف النشاء ومننتبه انو يكون ذائب بشكل كامل (وانتوا عم تساووا الاكلة اذا حسيتوا بدها نشاء كمان فيكن تدوبوا زياة لتوصلوا للسماكة اللي انتوا بدكن اياها)
- هون ماعاد فينا نترك الطنجرة لازم نضل نحركها باستمرار
- (كيف منعرف انو الاكلة جاهز بس يبلش يشتد الحليب وتصير الأكلة عبارة عن مزيج متماسك كل ماغليتوها زيادة بتشتد زيادة)
- للي بيحب يضيف ماء الزهر منستخدموا اخر شي قبل مانطفي النار فورا منشان يحافظ عالطعمة
- والخطوة الاخيرة منسكبه بصحون ومنحط عليهن المكسرات وصحة وهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد