→ كل الوصفات

رز بالخلطة على اصوله

#امي_جنتي

  • 2 كوب رز مصري
  • 1/2 كيلو كبد وقوانص
  • 3 بصلات مبشورين
  • 4 معالق كبيره سمن
  • ملح وفلفل حسب الذوق
  • 1 كوب زبيب
  • مكسرات للزينه حسب الرغبه
  1. نغسل القوانص كويس جداً و نحطها في مصفى و الكبد ننئعها في نص كوب لبن لمدة ساعة و نصفيها و نسيبها في المصفى
  2. حله على النار و فيها ملعقة سمن مليانه و ننزل بالبصل المبشور نشوحة لحد ما يذبل بس يبقى شفاف و ننزل بالقوانص و نفضل نقلب فيها لحد ما تشرب ميتها و تستوي
  3. و بعدين ننزل بالكبد بعد ما تكون اتصفت كويس و نحط ملح و فلفل حسب الرغبه و رشه قرفة بسيطة و متقلقش كتير عشان الكبدة متتهريش و يادوب خمس دقائق و نقفل
  4. حله و فيها ٣ ملاعق سمن. و ننزل عليها بال ٢ كوب ناشفين و مش مغسولين و تبدء نقلب فيهم لحد ما ياخذ لون ذهبي غامق و طعمه و هو متحمر احلى كتيير من ان نعمله كراميل
  5. و اول ما نحمر الرز ننزل بمقدار الماء بتاعه و اول ما يشرب ميته نحط الزبيب و الكبد و القوانص و نقلب
  6. و تنقله على العين الواطيه جداً و يستوي عادي جداً.. نسلق اللوز و نقشرة و نحمره في ملعقة سمن و رشة قرفة و ملح
  7. نغرف الرز في طبق التقديم و يزين بالمكسرات و الف هنا
عجبتك الوصفة؟
شوف كل وصفاتنا في مكان واحد
كل الوصفات →