→ كل الوصفات
والله ذوق راءع
المقادير
- الصلصة الحمراء
- بصلة كبيرة
- حبة طماطم صغيرة
- 4 ثوم
- مغرف ملح
- ½ ملعقة توابل
- ملعقة كبيرة فلفل احمر
- شوية زعيترة
- 2 حبات زرودية (جزر) كبار
- حوالي كاس جلبانة (بازيلا)
- مغرف صغير طماطم مصبرة
- 3 كيسان ماء
- صلصة الدجاج
- 6 دجاج
- شوية ملح
- مغرف زبدة
- ½ بصلة مسكرفجة (مفرومة)
- 3 ثوم
- ½ مغرف توابل
- شوية زعيترة
- مغرف صغير مطارد
- ½ حبة طماطم مسكرفجة (مفرومة)
- ½ كاس ماء
- كيلو الرز
طريقة التحضير
- الصلصة الحمراء: في قدر نسكرفج بصلة كبيرة+ 4 ثوم+ شوية جلبانة (بازيلا) ان امكن+ 2 حبات زرودية (جزر) مقطعة على 4. نقطعها مكعبات صغيرة ونضع ملعقة صغيرة ملح وشوية زيت ونخليه على نار قليلة يتقلى. نرمي عليه حبة طماطم مسكرفجة (مفرومة) ومغرف كبير فلفل احمر وشوية زعيترة وتوابل (نصف مغرف صغير فلفل اسود وكمون وراس الحانوت فواحة) ومغرف صغير طماطم مصبرة ونحرك ونرمي حوالي كاس ونصف حتى 2 كيسان ماء حتى طيب الجلبانة (البازيلا) والزرودية نطفي
- وفي قدر اخرصلصلة الدجاج: ندير الدجاج مغرف زبدة ونصف بصل مسكرفج + 3 ثوم وتوابل+ ملح (نصف مغرف كل من فلفل اسود.كمون.راس الحانوت فواحة) ومغرف صغير لاموطارد وشوية زعيترة او اكليل الجبل ونصف حبة طماطم مسكرفجة (مفرومة) ونخلط ونشعل للنار قليلة حتى يدخل طياب للدجاج ونرمي عليه نصف كاس ماء في 6 مرسوات دجاج ونطفي
- الرز : ندير الماء كي يغلى ونضيفلوا باكي رز حوالي كيلو ونزيدلوا الملح والزيت ونحرك 10 حتى 15د حتى يطيب شوية نحيه، اكون مخصوص الطياب باش في كسكاس نفوروا. نصفيه ونديروا في كسكاس لي فيه ماء يغلي ونخلطه 5د يفور نحيه نرشوا كي طعام بكاس ونصف ماء فيه شوية ملح ونقلب بملعقة كي يبرد نرجعوا يتفور. كي تفور نزيد نرشو بكاس ماء نخليه ينشف
- امبعد في صينية نفرش رز ونزيدلو الصلصة الحمراء تع الزرودية والجلبانة ونخلط حتى ينسجموا وندخلهم للفرن يكون سخون، نشعلوا من التحت حتى ينشف وخطرة على خطرة نحركوا ونخرجوا وندخل الدجاج وحدوا بلا الصلصة تاعوا يتحمر مليح. نحكم الرز نعاود نشربوا لصوص تع الدجاج وندخلوا 5 دقائق ينشف شوية برك نخرجوا نستف الدجاج ونزينوا والله المذاق رائع. شهية طيبة😘😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد