→ كل الوصفات

رز بالدجاج وخلطة البطاطس 🥔😋

الوصفه طبقتها من وصفات ام شهودي *كمية الرز والبطاطس انتي تتحكمين فيها على حسب عدد الاشخاص*

  • رز
  • بطاطس مقطع المكعبات
  • 2 بصل
  • طماطم
  • 8 قطع دجاج مقطع
  • 1 جزر مبشور
  • معجون طماطم
  • ملعقة صغيرة من مجموعة البهارات
  • هيل مطحون
  • فلفل اسود
  • بهار عثماني
  • كاري
  • كركم
  • دارسين
  • ملح
  1. أولا: نجهز خلطة الدجاج نقطع بصل جوانح ونحركه حتى يذبل ويصير لونه ذهبي ثم نضيف ملعقتين كبار معجون طماطم ثم الدجاج ثم الطماطم مقطعة صغير والبهارات اللي ذكرتها فوق 👆🏻 بعدين نضيف ماء مغليه تغطي الدجاج ونخليه على النار حتى يستوي، أهم شئ يبقى مرق ثقيل
  2. ثانياً نجهز خلطة البطاطس: بقدر نحط شوي زيت ونحمس مكعبات البطاطس حتى تتحمر اطرافها وبعدين نضيف عليه بصل وثوم مفروم وحبة جزر مبشور وملح وفلفل اسود ونغطيهم على النار وسط الى ان يذبل الجزر
  3. ثالثاً : نسلق رز مع ماء وملح وزيت وفلفل اخضر حتى يستوي نص استواء
  4. بعدها نضيف خلطة البطاطس على الدجاج واهم شئ يكون باقي مرق ثقيل وبعدها نضيف الرز فوقهم، بعدها نوزع قطع الزبده ونغطيه بقصدير لمدة دقائق على نار وسط وبالعافيه 💕
عجبتك الوصفة؟
شوف كل وصفاتنا في مكان واحد
كل الوصفات →