→ كل الوصفات

رز بالشعيرية مصري أصيل

طريقة عمل رز بالشعيرية مصري أصيل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كوبين رز مصري مغسول و منقوع ومصفى جيداً
  • 1/2 كوب شعيرية
  • لتر شوربة مملحة
  • معلقة كبيرة سمن بلدي
  • رشة فلفل اسود
  1. نسخن السمنة على نار متوسطة عالية
  2. نضيف الشعيرية و نحمرها (خلوها اغمق درجة من اللي بتحبوها عشان بتفتح لما بنضيف الشوربة)
  3. نصفي الرز المغسول المنقوع كويس جداً جداً و نضيف و نقلب لحد ما يتحمص
  4. ننزل بالشوربة السخنه جداً تغطي الرز يادوبك يختفي عن نظرنا و كل ده النار متوسطة عالية و نخلي الرز يشرب الماء لحد ما وشه يبان
  5. نحط فلفل اسود و نهدي النار جداً جداً و نغطيه و منفتحش عليه لمدة ١٥-٢٠ دقيقة و بعدها نفتح و نقلبه بطرف شوكة و هيكون تمام
عجبتك الوصفة؟
شوف كل وصفاتنا في مكان واحد
كل الوصفات →