→ كل الوصفات
وصفة حلوه اووي ولذيذه وشكلها حلو ف تقديم و طعمها خفيف وتتبيلة الفراخ تجنن ماشاء الله بإذن الله هتعجبكم جدا ♥️
المقادير
- 2 فراخ مقسومة نصين بالطول
- شوربة فراخ حسب الحاجة
- 4 اكواب رز بسمتي منقوعة ومصفى
- 2 بصلة مكعبات متوسطة
- 4 بطاطس متحمرة
- م ك توم مفروم
- 1/2 كوب كزبرة خضراء مفرومة
- 2 م ك صلصة
- 2 فلفل حامي مقطع نصين
- ملح وفلفل اسود حسب الرغبه
- م ص بهارات فراخ
- رشة قرفه
- رشة زعفران
- رشة بابريكا
- 2 م ك زيت
- مكعب ماجي
طريقة التحضير
- في بولة هنحط زعفران و بابريكا و بهارات فراخ وملح وفلفل وزيت وندهن الفراخ كويس بيهم ونحطهم في صينية فرن وندخلها تحمر و تستوي (وممكن تسلقي فراخ الاول وبعدين تدهنيها بالخليط وتدخليها الفرن تاخد لون بس)
- وفي حلة ع نار هحط فيها شوربة الفراخ كمية حلوه ومجرد ماتغلي هنزل بالرز ومكعب ماجي (وشوفي لو محتاجه ملح حطي ملح طبعا) ولما رز يتشرب نهدي عليه لحد تمام النضج
- وفي طاسة ع نار هنحط زبت ونحمر البصل لغايه مايدبل وبعدين نضيف الفلفل الحامي وتوم ونشوح لحد ماريحة التوم تطلع ونضيف بطاطس ونشوح وبعدين نحط الكزبرة الخضرا ورشة زعفران ورشه خفيفه من الملح والفلفل ونقلب دقيقتين وبعدين انزل بالصلصه واقلب وبعدين اخد مغرفتين كبار من الرز المستوي ونقلبهم مع الخلطة
- وعند تقديم نحط رز الابيض وفوقه الرز بالخلطة وقطع الفراخ وممكن تزيني بالكزبرة الخضرا عادي وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد