→ كل الوصفات
اكله سريعه متكامله و سهله و صحية الى حد كبييير #اطباق_سريعة
المقادير
- 1 كوب رز بسمتي وطبعاً الكميه على حسب العدد عندك
- كيس خضار بسله (بازيلا) و جزر فروزن
- بصله صغيرة مبشورة
- مكعبات صدرين فراخ مخليين ونقطعهم
- ملح و فلفل حسب الرغبه
- مكعب مرقة خضار
- معلقة كبيرة صويا صوص
طريقة التحضير
- كله على النار فيها نص ملعقة زيت و ننزل بالفراخ و نشوح على نار عاليه لحد ما تستوي و نتبلها ونشيلها على جنب
- نفس الحله نحط نص ملعقة زيت و لو تيفال تقدري تستغنى عنها.و ننزل بالبصل و نقلب كويس لحد ما تدخل و نحط مكعب مرقة خضار و ننزل بكيس الخضار و نقلب و نحط ربع كوب ماء و نغطى لحد ما يشربهم.و ننزل بالفراخ عليه و نقلب و نحط ملعقة صويا صوص و نقلب و نسيبهم على جنب
- كله على النار نحط ملعقة زيت و كوب الرز و ملعقة ملح و نقلب كويس و ننزل ب ٢ كوب ماء مغلي طبعاً لان دة رز بسمتي
- اول ما الرز يشرب ميته و نبدأ تهدى النار خالص ننزل بخلطة الخضار و الفراخ و نسيبه سي اوي على مهله خالص
- و بعدين نغرف و الف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد