→ كل الوصفات

رز بالقرفة مع كبد وقوانص الفراخ 😋💓

من أسهل الوصفات على الغداء وطعم الرز بالقرفة بجد حلو أوي جربيه هيعجبك جداً 👌😍 #وصفات_الشتاء

  • 1/4 كيلو كبد وقوانص الفراخ
  • 3 كوب رز
  • 1 بصلة مبشورة
  • 1 ملعقه صغيرة قرفة
  • 2 ملعقة صغيره ملح
  • 1 مكعب مرقه دجاج
  • 1/2 ملعقة صغيره سكر
  • 3 ملاعق زيت
  • 1 ملعقة كبيرة زبدة او سمنه
  • 3 كوب ماء
  1. أولا نغسل الكبد والقوانص بالماء كويس جداً ونسلقهم في ماء مغلي مضاف إليه ملعقة من الخل ونضع في الماء مستكة وورق لوري وحبهان وبصلة مقطعة ونسيب الكبد والقوانص على النار لمدة1/4ساعه😍
  2. نحضر حلة ونضعها على النار ونضع فيها الزيت والزبدة ونضع البصلة المبشورة ونحمرها وبعد كدة نضع الرز والقرفة والملح والسكر ومكعب المرق ونقلب الرز حبة وبعدين نضع الماء ولما الرز يغلي ويتشرب الماء نقلب الرز و نهدي النار عليه لحد لما يستوي 😍
  3. نقطع الكبد والقوانص قطع صغيرة ونحضر مقلايه ونضع فيها حبة زيت وملعقة زبدة ونضع فيها بصله مبشورة ونحمرها حبه ونضع الكبد والقوانص ونضع عليهم 1/4ملعقه من القرفه و1/4ملعقة من الملح ونقلبهم مع بعض لحد لما يتحمروا حبه ونقفل النار عليهم بعد كدة😍
  4. نقدم بعد كده الرز بنجيب بوله ونضع فيها حبة من الكبد والقوانص من تحت وبعدين نضع الرز ونساويه بملعقه وبعدين نقلب البوله في طبق التقديم😍
  5. ملحوظه:لو عايزه تحوطي الكبد والقوانص مع الرز ممكن تحوطيهم مع الرز بعد لما تحمري البصلة تحوطي الكبد والقوانص بعد لما يتسلقوا وتقطعيهم وتحوطيهم براحتك بس طريقة التقديم دي انا بحبها شوفي إنتي بتحبي إية😍
  6. وبالعافيه عليكى حبيبتي يارب😘😍💓🤗
عجبتك الوصفة؟
شوف كل وصفاتنا في مكان واحد
كل الوصفات →