→ كل الوصفات

رز باللبن بطعم لذيذ وقوام كريمي 😋❤️

من أحلى وأسهل الحلويات إللى ممكن نعملها هو الرز باللبن وطريقة الرز باللبن دي سهلة وبسيطة كل المبتدئين في المطبخ هيعرفوا يعملوها وممكن نزينها بالمكسرات المتوفرة حسب الرغبة إن شاء الله تجربوها وتعجبكم😍❤️🌹

  • 1/2 كوب رز مصري
  • 1 لتر لبن حليب
  • 2 ملعقة كبيرة نشا
  • 1 كيس كريم شانتيه
  • 1 كيس فانيليا
  • 1/2 كوب سكر
  • مكسرات حسب الرغبة
  1. أولاً نغسل الرز كويس جداً وبعد كدة نضع الرز في حلة مناسبة ونضيف على الرز 2 كوب ماء ونضع الحلة على النار ونسيب الرز على نار هاديه لحد لما يتشرب كل كمية الماء. 😍
  2. نضيف الحليب والسكر والفانيليا وكيس الكريم شانتيه ونقلب كل المكونات مع بعض ونسيب الرز باللبن على نار هاديه لمدة 15 دقيقة لحد لما يغلي مع الحليب حبة.😍
  3. نجيب نصف كوب ماء ونضع فيه النشا ونقلب النشا مع الماء ونضيفهم على الرز باللبن ونقلبهم مع بعض لمدة 5 دقائق وبعد كدة نرفع الحلة من على النار. 😍
  4. نوزع الرز باللبن في أطباق التقديم ونزين الرز باللبن بالمكسرات المتوفرة وبعد كدة نضع الرز باللبن في الثلاجة لمدة ساعة وبعد كدة نطلع الرز باللبن ونقدمة لكل أفراد الأسرة وممكن تزودي في كمية السكر حسب رغبتك بجد الرز باللبن حلو جداً وكريمي إن شاء الله تجربية وأكيد هيعجبك 😍❤️🌹
  5. 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →