→ كل الوصفات

رز باللبن في الفرن

#مطبخ_اكله_بسيطه

  • 1 كيلو لبن مغلي مسبقا عشان يعمل معانا وجه القشطه
  • 3 كوب ماء
  • كوب الا ربع ارز
  • 2 معلقه كبيره كريم شانتيه (وده فايدته بيعمل وجه تحفه وبدل القشطه)
  • 2 معلقه كبيره نشا
  • سكر حسب الرغبه
  • 2 معلقه سكر (بتاع التموين افضل لانه بيتكرمل اسرع)
  • فانيليا
  1. الطريقه 👇 هنغلي كوبين الماء ونضيفهم على الرز ونسيبه نص ساعة ولو مستعجله اشتغلي فيه على طول ياستي بس هدي النار خالص وسبيه يستوي براحته
  2. ضيفي اللبن والسكر وقلبي وسببه يتشرب من طعم اللبن وضيفي الفانيليا وعلى ما ياخذ غلوه تعالي نعمل اخر خطوه هنضيف كوبابه ماء ساقعه على معلقتين النشا ومعلقتين الكريم شانتيه ونضربهم كويس وبعدين نضيفهم على الرز ونقلب لحد ما القوام يتقل معانا هنغرفه في الاطباق الفويل او الطواجن
  3. نسيبه يبرد شويه ويعمل طبقه على الوجه وبعدين هنجيب السكر الخشن بتاعنا ونبتدي نرش الوجه بيه وندخله تحت الشوايه على الرف الاعلي عشان يتم مل بسرعه والرز مينشفش مننا
عجبتك الوصفة؟
شوف كل وصفاتنا في مكان واحد
كل الوصفات →