→ كل الوصفات

رز باللحمة والبسلة (البازيلا)

طريقة عمل رز باللحمة والبسلة (البازيلا) سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 كوب رز بسمتي
  • 1/2 كيلو لحم.. حسب عدد الأفراد
  • بصل
  • ثوم
  • عود قرفة
  • نص معلقة بهارات لحمة
  • ورقتين لورا
  • معلقة ملح
  • معلقة سمنة بلدي
  • نص معلقة فلفل اسود
  1. اول حاجة نغسل اللحمة كويس و نجيب حلة نحط ملعقة سمنة بلدي وننزل بالبصل وبعدها اللحمة المكعبات و نحط الفلفل الأسود و البهارات و عود قرفة و حوالي ٣ ورقات لورا
  2. نقعد نشوح في اللحمة شوية. نقلب نقلب نقلب لما ريحتها تطلع و تبقي حلوة نزود نص كباية ماء تغلي كويس بعدها نخلي عين البوتاجاز شمعة هادية جداً و نغطيها نص ساعة و احنا متابعين
  3. نكون محضرين جزر مكعبات صغيرة و بسلة (بازيلا) و حبيتين ثوم مهروسين ننزل بيهم على اللحمة ونحط بقى الملح و نقلب برضو لحد ما المكونات تأخذ من بعض.. هتكون محضرين ماء ساخنة للحمة و على جنب نكون ناقعين الرز البسمتي في ماء لمدة ربع ساعة الى نص ساعة "الرز البسمتي اللي بيتباع في كيس زي الخيش كدا اوً الشكارة الصغننه دا احلى نوع"
  4. نزود اللحمة و البسلة (البازيلا) ماء و نسيبهم يغلو لمدة ربع ساعة تقريبا.. نصفي الرز و ننزل بيه على اللحمة و وتكون الماء مغطية الرز حبه حلوين يعني ازود من الرز البلدي بشوية.. ممكن بقى تعملي جنبها سلطة خضرًا اوً سلطة زبادي و بالف هنا
  5. ملحوظة محطناش ماء كتير في الاول مرة واحدة و خلاص ليه لان الاول اللحمة تتشوح في ماء قليلة بينزل منها صوص حلو في متحسيش انها مسلوقة و بعدها نزود ماء عادي 😊
عجبتك الوصفة؟
شوف كل وصفاتنا في مكان واحد
كل الوصفات →