→ كل الوصفات
متاكده راح تكون في المنيو حق غداكم لشهورالجايه 👌🏻
المقادير
- 0.5 دجاجه او على حسب الافراد
- كوبين رز بسمتي انا استخدم المهيدب مغسولين ومنقوع ربع ساعه ب مويه دافيه
- 2 جزرتين مبشوره
- شرايح بصلتين مقطعه
- 0.5 ملعقه صغيره فلفل اسود حب
- نص ملعقه كمون حب عود قرفه وحبه ليمون اسود
- ملعقه صغيره كمون مطحون
- نص ملعقه صغيره كركم
- ملعقه ملح
- مكعب ماجي
- رشه فلفل اسود
- رشه هيل
- فنجان زبيب
- بياله زيت
- صويا حلوه
طريقة التحضير
- نحط بياله الزيت وملعقه الكمون الحب والفلفل الاسود الحب وعود القرفه وحبه الليمون الاسود ونقلبهم خمس دقايق على نار هاديه وبعدها نحط البصل والجزر ونقلبه خمس دقايق لين يذبل
- ناخذ نص الحمسه ونحطها بصحن جانبي وبعدهانحط الدجاج وفوقه البهارات والملح والماجي ونقلب زين ونحط مويه تقريبا كوبين ونص ونخليه ربع ساعه الى عشرين لين يستوي الدجاج
- بس يستوي الدجاج نطلعه ونحط الرز على المرق على نار عاليه لحد ما يبدا يصير زي الصوره يكون قل المويه لتحت مستوى الرز بشوي وقتها نوطي الغار على اقل شي ونخليه يطبخ لين يستوي تمام هنقطه تخلي الرز نثري 👌🏻
- ندهن الدجاج ب ملعقتين زيت نص ملعقه صويا حلوه نص ملعقه فلفل اسود وشوي كمون وبابريكا وملح ونخلطها وندهنا زين وندخلها الفرن تتحمر واذا تحمرت نصب الصوص فوقها الى بقاع الصينيه يعطيها طراوه مرا لذيذه ونخليه على جنب عبال ما يستوي الرز
- اخر خطور ناخذ الجزر والبصل الى عزلناه بصحن جانبي نحطه على النار مع الزبيب مع نص مكعب ماجي وملعقه صويا حلوه ونقلبه خمس دقايق ونحطه فوق الرز الى يكون استوا وطفينا عليه
- اذا جا وقت التقديم شيلي الكشنه من فوق الرز بصحن جانبي ووحطي باقي الرز بصحن التقديم وفوقه الكشنه والدجاج والف صحه وهنا
- ملاحضه ،الكلام كثير لنو بتفصيل الممل لكن بلمطبخ بيكون مرا سهل واكله جدا سريعه ولذيذه وما تحلى الا بجنبها جرجير وسلطه حاره ☝🏻
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد