→ كل الوصفات

رز بخاري 💛

وصفة طيبة وناجحة بطريقة شيف قدير عنا بسوريا ربي يوجهلو الخير بس كان عندي خطأ فيها بنص الطبخه شردت وقام كترت فيها زبيب 🙊 ماعرفت حالي انو عم بتغدا او بتحلا 😑

  • كوبين رز حبة طويل
  • حبتين جزر
  • شوية زبيب
  • بهارات صحيحه
  • بهار بخاري
  • فروج
  • 2 حبات بصل
  • حبة بندورة
  • خطلة التحمير
  • ملعقة دبس فليفلة
  • ملعقة دبس بندورة
  • ملح
  • شوية زيت زيتون
  • م كركم
  • فلفل
  1. بعد غسل الفروج نسلقو ونقش الزفرة وبضيف بهارات صحيحه حتى يستوي وبعدها بضيفلو خلطه لتحمير وبدخلو الفرن
  2. خطلة التحمير ملعقة دبس فليفلة.. ملعقة دبس بندور.. ملح.. زيت زيتون.. كركم.. فلفل مجرد دهن الفروج حتى ما ينشف وبعطي طعم واذا حبينا بعد التحمير نعملو تبخير بقطعة فحم
  3. اما الرز بضيف معلقة سمنه او زيت وبصل مفروم بدبلو منيح بضيف فوقو توم وبشوح وبضيف لومي ورق غار هيل قرنفل قرفة كلو خشن مو ناعمه وبضيف الجزر مبشور وبشوحن مزبوط بضيف ملح وفلفل اسود وبهار بخاري وبشوح وبضيف زبيب وبعدينا بندورة مبروش بتركن يتسبكو شوي وبضيف مي لرز قد بقد او قل حسب كيف بتضغطوه بس غلي بنزل عليه الرز وحتى يستوي
  4. انا عملت الرز بطنجرة الضغط بعد ما غلي الرز ونشفت المي ضغطت عليه الطنجرة وخليتو يكمل استوا عشر دقايق منشان هيك حطيت اقل من كاسة مي بس لكل كاسة رز والطعم بجنن بس ما تكترو زبيب 🤦‍♀️
عجبتك الوصفة؟
شوف كل وصفاتنا في مكان واحد
كل الوصفات →