→ كل الوصفات

رز بسمتي بالبسلة والجزر وفراخ بالكاري

جربوها مختلفة وهتعجبكو

  • كوب ونص رز بسمتي
  • بسلة وجزر
  • بصلة مبشورة
  • مرقة دجاج
  • سمنة او زيت
  • ملح حسب الحاجة
  • ½ عود قرفة
  • حبتين قرنفل
  • ¼ معلقة توابل كبسة
  • كوبين ونص مية
  • ½ كيلو فراخ مخلية ومتقطعة قطع وممكن فراخ صحيحة عادي
  • 2 بصلة متقطعة
  • فلفل متقطع
  • ثوم مفروم
  • حبة طماطم متقطعة
  • زيت
  • ملح وفلفل أسود حسب الرغبة
  • ملعقة صغيرة كاري
  • ملعقة صغيرة كركم
  • ملعقة صغيرة توابل فراخ
  • ملعقة صغيرة 7 بهارات
  • ملعقة صغيرة بابريكا
  • مرقة دجاج
  • ½ كوب ماء
  1. الرز هنكون سلقين البسلة والجزر نص سلقة وف حلة هننزل بالزيت وعليه البصل المبشور لحد مايدبل وبعدين ننزل بالبسلة والجزر والملح والتوابل والمرقة ونقلبهم شوية ونضيف نص كوب ماء ونسيب البسلة تكمل باقي السوا
  2. لما تقرب تستوي نكون غاسلين الرز ومجهزينه وننزل بيه عليهم ونقلب ونضيف الماء لحد ما يغلي ونهدي لحد تمام السوا
  3. الفراخ هنتبلها الاول بالتوبل كلها ونسيبها نص ساعة ثم ننزل بيها ف زيت سخن تاخد صدمة ونخرجها وننزل مكانها بالبصل والفلفل والتوم لحد ما يدبلو ثم نرجع ننزل بالفراخ تاني وعليهم المرقة ونظبط الملح وننزل بالطماطم يتشوحو كويس سوا بعدين ننزل بنص كوب من المية ونسيبها لحد ما تستوي واذا احتاجت توابل بنزود وتتقدم بالهنا جنب رز دا او اي رز تاني
عجبتك الوصفة؟
شوف كل وصفاتنا في مكان واحد
كل الوصفات →