→ كل الوصفات
#سر_الطبخه
المقادير
- 0.5 كيلو رز بسمتي
- فراخ مقطعة حسب الكميه (صدور او وراك)
- 0.5 كوب زبيب
- قطع صغيره بصله كبيرة مقطعة
- قطع صغيره فلفل حامي مقطع
- جزرة مبشورة ناعم
- 3 فصوص ثوم مقطع قطع صغيرة
- 3 معالق كبيرة صلصه
- 1 ملعقة ملح كبيرة
- معلقة شطه
- معلقه كمون
- معلقه كاري
- معلقه كركم
- نص ملعقة فلفل اسمر
- زنجبيل بودرة
- بهارات مشكله
- 2 قرفة خشب
- 2 لمون مجفف
- 2 ورق لورا
- حبهان
طريقة التحضير
- اول حاجه احط حله على النار وفيها معلقتين زيت وانزل عليهم بالبصله
- وبعد ما تذبل شويه انزل عليها بالفلفل وشويه واضيف الفراخ على الناحيه اللي فيها الجلد اول ما تتحمر شويه اقلبها الناحيه التانيه
- بعد ما الفراخ تتحمر وتنشف والبصله تغمق شوبه انزل بكل البهارات والليمون المجفف والحبهان وورق اللورا واقلبها تأخذ لون بعدها انزل بالصلصه واقبها واحط شويه ماء مغليه مش كتير تكون الفراخ باينه منها واقلبها واسيبها تغلي غلوة
- انزل بالجزرة المبشورة واقلبها وشويه اغطي عالفراخ لحد ما تستوي نص سوى اشيل الفراخ من المرقه دي
- اصفي الرز وانزل بيه على المرقه دي وازوده شوية ماء مغليه واول ما تيجي تنشف شويه احط الفراخ على وجه الرز تاني تكمل السوا
- هنا الرز خلاص قرب يستوي وشيلت الفراخ حمرتها وغطيت على الرز شويه كمان يكمل سوى
- بالف هنا خلصت اكلتي انا مش رضيت احدد هي كبسه ولا رز بخاري لاني مش عارفه الفرق بس هي دي طريقتي الخاصه بيا اللي بعملها بيه وبتبقي تحفه اللي مش بيحب الحار يستغني عن الفلفل الحامي ويحط رومي وبلاش شطه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد