→ كل الوصفات

رز بسمتي مدخن

حاجه تنزل ع القلب قبل المعده و طبعا خلينا متفقين مش اي حد بيعمل الرز البسمتي 😉👌🏻 جربوه #ع_طريقتي #مريولي_باسمي

  • 3 كوب رز بسمتي مغسول
  • بصله وسط
  • جزره كبيره
  • 1/2 حبه فلفل رومي (احمر ،اصفر،اخضر)
  • 2 مكعب زبده ع م ك زيت
  • ميه مغليه
  • 5 حبات كبابه صيني
  • 7 حبات فلفل اسود حب
  • 2 ورق لوري
  • 5 عود قرنفل
  • 3 حبه هيل صحيح
  • عود قرفه سيجار
  • ملح
  • 2 م ك بابريكا مدخنه
  • 1 م ك مرقه دجاج فوري
  • 3 م ك بهارات خلطه الشاورما او الشيش
  • فحمه صغيره
  • م ك سمنه بلدي
  1. هانفرم البصله ناعمه و نبشر الجرزه و نقطع الفلفل صغير.. هانحط الزبده تسيح و ننزل بالبهارات الصحيحه و نقلبهم كويس لحد ما ريحتهم تتطلع ننزل بعدها بالبصله ع طول نقلبها يادوب تتبدل ننزل بالجزر و نقلبو شويا نخليه يدبل شويا و بعدين ننزل بالفلفل الالوان و نقلب هانضيف باقي البهارات مع الخضار و ننزل الرز و نقلبهم كويس
  2. هانحط الملح و نضيف الميا المغليه و نقلب و نخليه ياخد غلوه و نوطي النار و نخليه يستوي براحتو
  3. لما يخلص خالص هانولع فحمه و هانحطها ف مج صغنن من بتاع القهوه و نحط عليها م ك سمنه بلدي و نغطيها كويس لحد ما تخلص الدخنه و بعدين نفتح الحله نقلب الرز و نغطي تاني كويس و بالهنا و الشفا يا حلوين 🫶
عجبتك الوصفة؟
شوف كل وصفاتنا في مكان واحد
كل الوصفات →