→ كل الوصفات

رز بصدور الفراخ

#وصفات_بالارز #فريق_الأمل

  • ½ كيلو صدور فراخ مخليه
  • كبايتين رز
  • زيت زيتون وزيت ذره
  • ملح وفلفل حسب الرغبة
  • رشة ثوم باودر
  • رشة بصل باودر
  • سماق
  1. نغسل وننضف صدور الفراخ جيداً بعدين نتبلها ب زيت زيتون، ملح، فلفل، ثوم باودر، بصل باودر وسماق
  2. نحط طاسه على النار فيها شوية زيت ذره
  3. لما الزيت يسخن، نحط صدور الفراخ للتسويه
  4. نترك صدور الفراخ لحد ما تنضج وتتشوح وتأخذ لون
  5. نكون مجهزين رز مغسول ومتصفي تماما من المياه (ولو حابين تزودو على الرز شوية ملح وفلفل وتوابل حسب الرغبه)
  6. بعد ما صدور الفراخ تأخذ لون، نحط عليهم الرز
  7. بعد ما نحط الرز، نسويه فوق الفراخ بالمنظر دا
  8. نكون مجهزين مياه مغليه من البويلر بعدين نحطه عالفراخ والرز لحد ما يغطي الرز تماما (زي ما بنسوي الرز عادي)
  9. نغطيهم ونسيبهم على نار هادئه لحد ما الرز يستوي
  10. بعد ما يستوي، نجيب سرفيس او اي طبق كبير للتقديم ونقلب فيه الطبخه دي بحيث ان الفراخ تكون فوق والأرز تحت.. هايكون بالمنظر دا وبالهنا والشفا (عايزه اقول انها اكله سهله جداً وحقيقي بتشهي وممكن كمان نضيف عليها خضار زي المقلوبه)
عجبتك الوصفة؟
شوف كل وصفاتنا في مكان واحد
كل الوصفات →