→ كل الوصفات

رز بصلصة الباربكيو

#الشيف_الذهبي

  • 4 كاسات رز طويل الحبة منقوع و مغسول
  • حبتين كبار فليفلة مقطعة
  • بصلة كبيرة مفرومة
  • 3 سنان تومة مهروسة
  • قرنين فلفل حار حسب الرغبة
  • حبتين بندورة مفرومة ناعم حسب الرغبة
  • حبتين بطاطا او باذنجان او جزر مقطع و مقلي
  • 1/2 كاسة صلصة الباربكيو
  • ملعقتين كبار صلصة البندورة
  • 3 ملاعق كبيرة كاتشب
  • رشة ملح وفلفل اسود
  • توم باودر وبصل باودر
  • ملعقة كبيرة بهار مدخن
  • مكعبين مرق الدجاج
  • ملعقة كبيرة بهارات مدخنة
  • قطعة فحم
  • مية سخنة
  • رشة سكر
  • بابريكا
  • قرفة
  • دجاجة منظفة للتبيلة
  • 1/2 كاسة صلصة الباربكيو
  • 1/4 كاسة زيت نباتي
  • 1/4 كاسة كاتشب
  • 3 ملاعق كبيرة عسل
  • ورقتين غار
  • بطاطا مقطعة
  • رشة ملح وفلفل اسود
  • توم وبصل
  • قرفة
  • بابريكا
  • بهار مدخن
  1. بتقلي البصل ليذبل بتضيفي التوم المهروس. بتضيفي الفليفلة مع رشة ملح و فلفل اسود وقرفة و بابريكا وتوم وبصل باودر و بهارات مدخنة و مكعب مرق الدجاج. تضاف البندورة وتقلب
  2. تضاف صلصة الباربكيو و الكاتشب و صلصة البندورة ورشة سكر وبتتركيهم شوي يغلوا. بتنزلي عليهم الرز وبتقلبيه معهم وبتضيفي مية سخنة لتغمرهم وبس تغلي بتوطي الغاز وبتتركيه يستوي بعدها بتحطيله فنجان عليه زيت و فحمة
  3. الدجاج بتنظفيه وبتبليه. بالصينية بتحطي بطاطا مع الدجاج وبتدخليه الفرن ليستوي. بالهنا والشفا يارب
عجبتك الوصفة؟
شوف كل وصفاتنا في مكان واحد
كل الوصفات →