→ كل الوصفات
🌼سبحان الله وبحمده سبحان الله العظيم 🌼 #سهلة_أوي رز بلبن المحلات رز بيحبة الكبار والصغار وبيتميز بقوامة الكريمي ونكهتة المميزة وخصوصا المعمول في الفرن 👌 جبتلكم اسرارة والطريقة السهلة السريعة لية 😉جربوة بطريقتي يارب يعجبكم 🌹
المقادير
- كيلو لبن (حليب) طازة مش مغلي
- كوب رز مصري
- 2 كوب ماء ساخن
- 2 م ك نشا وممكن نستغني عنها ونكتفي بنشا الرز
- كوب لبن او ماء يذاب فية النشا
- 11/4 كوب سكر
- كيس فانليا او 2 م ك آيس كريم فانليا
- 2 فص مستكة بودر (أختياري) بس بتدي طعم روعة
طريقة التحضير
- بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️
- في حلة نضع كوب الرز وعلية كوبين من الماء المغلي ونغطيةونتركة ساعة
- بعد مرور ساعة نشغل النار علية ونتركة يستوي قليلا
- نضيف اللبن الطازج الغير مغلي ونخلية يسخن ويغلي مع الرز ونقلب لحد ما يستوي الرز
- نضيف السكر ونقلب جيدا.. نذوب النشا في اللبن والايس كريم الفانيليا ونضيفة على اللبن مع التقليب المستمر حتى الحصول على قوام مناسب
- ونغرف في الأطباق او البولات الفخار ونرصهم في صينية وفيها شوية ماية ونرش عالوش رشة سكر خفيفة وندخلها عالشواية لحد ما تاخد لون 😉 وممكن من غير سكر خالص وبردو هياخد لون بس بعد فترة شوية السكر بيدي لون اسرع
- ملحوظة 🤓 رز بلبن المحلات بيكون قوامة سايب شوية او خفيف شوية ودة لان النشا اللي فية بتكون قليلة او مش مستخدمة اصلا
- الطريقة الأصلية 👈 (بتاعة المحلات) اننا بنضع الرز وميكونش مغسول ونضيف علية الماء المغلي واللبن مباشرة وعلى نار متوسطة نقلب لحد ما الرز يستوي ونضيف السكر وايس كريم الفانيليا ودة اساسي بردو في المحلات ونستمر في التقليب لحد ما ياخد القوام المناسب ويغرف في الأطباق الفويل ويدخل الفرن لحد ما الوش ياخد لون والقوام يظبط اكتر 😉
- أخيرا اللهم أغفر لجدتي وارحمها واسكنها فسيح جناتك يارب ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد