→ كل الوصفات

رز بلبن تحففه جربوه علي ضمانتي

#حلويات_رمضان

  • كيلو ونص لبن
  • كوب الا ربع رز مغسول ومنقوع ساعه
  • سكر حسب الرغبه بس تقريبا كوبايه وربع
  • 1/2 كوب ماء
  • 1/2 كوب لبن
  • 2 معلقه كبيره نشا
  • 2 معلقه كبيره ايس كريم فانيلا
  • 2 معلقه كبيره كريم شانتيه
  • 2 معلقه كبيره لبن بودره
  • فانيليا ويفضل فانيليا سايله لو مش متوفر عادي استخدمي فانيلا بودره
  1. هنحط حله علي النار فيها الرز المنقوع وعليه نص كيلو لبن هناخده من الكميه بتاعتنا اللي هيا كيلو ونص وهنحط عليه نص كوب مايه ونحطهم علي النار يغلو كويس وبعد كده هنغطي الحله بتاعتنا ونطفي النار ونسيبهم ساعتين بعد الساعتين هنلاقي الرز نفش واستوي كويس واتاكدو انه استوي اهم حاجه
  2. بعد كده هضيف كيلو اللبن علي الرز وافضل اقلب كويس لحد ما الرز يفك من بعضه والخليط بتاعي ده يغلي كويس جدا
  3. هجيب بقا نص كوبايه اللبن اللي مكتوبه في المقادير لوحدها دي وهحط فيها اللبن البودره والنشا والكريم شانتيه وايس كريم واقلبهم وادوبهم في اللبن كويس اوووي
  4. بعد كده هصب الخليط ده علي الرز بلين بتاعي ايد اصب بيها وايد اقلب بيها عشان الخليط مش يكلكع وبعد كده افضل اقلب كويس لحد ما الخليط يبدا يتقل اخر حاجه بقا بضيف السكر انا بفضل ان السكر يتحط في الاخر وبعد كده افضل اقلب كويس لحد ما الرز بلبن بتاعي يتقل ويوصل للقوام اللي احنا عايزينه هطفي النار واسيبه يبرد شويه وبعد كده اضيف الفانليا عشان الريحه تفضل موجوده فيه انما لو حطيتها وهو سخن ريحه الفانيلا هتروح
  5. دلوقت بقا هصب الخليط بتاعي في اطباق التقديم وازينها بالمكسرات او القرفه او الكراميل او احط علي وشها ايس كريم جاهر وارش من فوق قرفه زي مانتو حابين
عجبتك الوصفة؟
شوف كل وصفاتنا في مكان واحد
كل الوصفات →