→ كل الوصفات

رز بلبن في البيت 🥫

من اللحظة دي هتبطلي تشتري رز بلبن وهتعملي فالبيت 🥫

  • 2 كيلو لبن سايب
  • كوب رز
  • كوب سكر
  • كيس ڤانيليا
  • 2 م. ك نشا
  • 2 م. ك كريم شانتيه خام
  • كوب لبن
  1. هنغسل الرز وننقعه في مياه لمدة 10دقايق ونصفيه تماما
  2. في حلة عالنار هنضع اللبن والارز مع بعض ونقلب باستمرار واول ما اللبن يغلي نغطي الحلة ونطفي النار ونسيبه لمدة ساعة كاملة متغطي ودا السر اللي بيخلي الرز يستوي بسرعة
  3. بعد ما الساعة عدت هنشغل النار ونضيف السكر والڤانيليا ونقلب لحد ما السكر يدوب هنكون مدوبين النشا في نصف كوب للبن والشانتيه في النصف الاخر واللبن بيخلي هنضيف الشانتيه اللي داوبناه ياخد غلوة وهننزل بالنشا اللي دوبناه ونهدي النار
  4. اول ما يتقل هنصبه في اطباق عادي او زي ما انا عاملة اشتريت اطباق علشان تدخل الفرن وعينك عليه علشان بياخد وش بسرعة ولما يبرد ضعيه فالتلاجة من احلي وصفات الرز بلبن
عجبتك الوصفة؟
شوف كل وصفاتنا في مكان واحد
كل الوصفات →