→ كل الوصفات

رز بلبن

#الشيف_الذهبي

  • كيلو لبن
  • كوب رز
  • 2 كوب مياه
  • 2 كوب سكر
  • كيس كريم شانتيه
  • كيس ڤانيليا
  • ملعقه نشا اختياري
  • 4 ملعقة ماء ورد
  1. اولاً نغسل الرز مره واحده و بعدين نجيب حله و نحطها علي النار و نحط كوبايتين المياه و عليهم كوبايه الارز و نسيبهم يغلو و بعدين نهدي النار عليهم خالص لحد ما الرز يتشرب المياه و يخرج النشا الموجود فيه و لو الرز احتاج مياه زياده بنزودله نوع الرز اللي عندي احتاج اني ازود ٢ كوب مياه تاني الاساس كوبايتين و لو الرز احتاج هنزود بعد ما الرز يتشرب المياه كويس نضيف عليه اللبن و نقلبهم و نسيبهم علي نار هاديه جداً
  2. ثاني حاجه هنخفق كيس الكريم شانتيه بنص كوب مياه و نسيبه لحد ما نضعه علي الرز بلبن هنتابع الرز و نتاكد من انه امتزج باللبن كويس و هنضيف كيس الڤانيليا و ملعقة النشا هندوبها في نصف كوب مياه و نضيفها و دي خطوه اختياريه علي حسب انتي شايفه الرز محتاج نشا ولا لا
  3. و بعد كده هنضيف السكر و نقلب و ندوق لو احتاج سكر تاني هنزود لحد ما نوصل للمذاق المستحب و بعدين هنضيف مياه الورد و الكريم شانتيه و هنقلب كويس لو احنا حابين الرز يبقي مفروم هنفرمه بالهاند بلندر و هو في الحله لحد ما نوصل للقوام اللي احنا حابينه و بعدين نطفي عليه النار
  4. هنحط الرز بلبن في اطباق التقديم بتاعته و لو حابين نعمل جزء منه في الفرن هنحطه في طواجن و نحط شوية سمنه قليلين من فوق و هندخله تحت الشوايه لحد ما يحمر وشه و الرز اللي في اطباق التقديم هنزينه بجوز الهند و الزبيب و اي نوع مكسرات متاح عندي و يتحط في التلاجه و يتقدم بارد بالف هنا 😍♥️
عجبتك الوصفة؟
شوف كل وصفاتنا في مكان واحد
كل الوصفات →