→ كل الوصفات

رز بلبن

ملحوظه ( اللبن البودرة والشانتيه والايس كريم البورد ) اختياري ممكن نضيفهم أو لا او ممكن نضيف حاجه منهم ...هما بيعززوا الطعم مش اكتر⁦❤️⁩

  • 2 كيلو لبن سخن
  • كوبايه مش مليانه رز
  • كوبايه الا ربع سكر او اكتر حسب الرغبه
  • معلقه ونص كبيره نشا
  • 2 معلقه كبيره قشطه
  • 2 معلقه كبيره لبن بودر
  • 2 معلقه كبيره كريم شانتيه بودر
  • 2 معلقه كبيره ايس كريم فانيليا بودر
  • باكيت فانيليا
  1. هنغسل الرز وننقعه في ماء ربع ساعة ونسخن اللبن كويس جداً ونشيل منه كوب ونركنها ونضيف الرز على اللبن السخن ونغطيه ونسيبه منقوع ساعة ونص
  2. بعد كدا نحطه على النار يغلي غلوتين هيكون الرز استوي ونضيف اللبن البودرة والكريم شانتيه والايس كريم البودرة ونقلب تاني وبعدين نذوب النشا في كوب اللبن البارده ونضيفه على الرز ونقلب كويس أو ما يغلي تاني نضيف القشطه ونقلب واخيرا نضيف الفانيليا
  3. هنرصه في اطباق أو طواجن تنفع تدخل الفرن ونوزع على الوجه قشطه ونرصه في الصينيه ونحط في الصينية شويه ماء ساخنه علشان نضمن أنه ميتحرقش من تحت وندخله تحت الشوايه ياخذ لون وبالهنا
عجبتك الوصفة؟
شوف كل وصفاتنا في مكان واحد
كل الوصفات →