→ كل الوصفات

رز بلبن 😍

كتير مننا بيحب ياكل الرز بلبن من برا و بيتعقد من بتاع البيت انا هقولكم طريقتي و كل اللي داقها قال ان الرز بلبن بتاعي زي بتاع المالكي و يمكن احسن 😅

  • لتر لبن, حليب طبيعي
  • كوباين رز, ابيض
  • 10 الى 20 ملعقة سكر, حسب الرغبة
  • فنجان لبن, بارد, او ماية باردة
  • ملعقة فانيليا
  • كيس كريم شانتيه
  1. نجيب حلة, نحط فيها الرز و نغطيه بماية كتيرة, يعني نقسم الحلة ٣ اول جزء الرز و الجزئين التانيين ماية. و نحط عليهم ملعقة سكر و نص ملعقة فانيليا
  2. في الوصفة دي مش هنحتاج نشا عشان مانقعناش الرز, يعني لو نقعناه, نحط ملعقة نشا مع ماية باردة و ندوبها فيها, و بعدين نضيفها لما نيجي نضيف الكريم شانيه
  3. نغلي اللبن و نسيبه بالقشطة بتاعته. نشوف الرز اول مايستوي و يشرب الماية, نحط اللبن عليه او نحطه هو على اللبن المغلي. و يفضل على نار هادية جدا و نقلبهم و نسيبهم شوية
  4. نجيب كيس الكريم شانتيه (الخطوة دي اختياري) و نضيف عليه فنجان لبن بارد او ماية باردة و نضيف ربع ملعقة فانيليا. نضربهم كويس لحد ماتبقى كريمة او ممكن نضيف الكيس للرز من غير ما نعمل فيه حاجة, براحتنا خالص
  5. نضيف نص كمية كريمة الرز بلبن و نضيف السكر و نقلب كويس لحد ما يوصل للقوام اللي عايزينه. و نضيف ربع ملعقة الفانيليا الباقية و بعدين نغرفه في اطباق التقديم
عجبتك الوصفة؟
شوف كل وصفاتنا في مكان واحد
كل الوصفات →