→ كل الوصفات

رز بني بالخضار

الرز البني صحي جداً وغني بالالياف وكمان لذيذ

  • كوبايه رز, بني
  • 1 جزره, كبيره
  • 6 معالق كبار بسله (بازيلا)
  • قليل لحمه, معصجه, اختياري
  • كوبايه شوربه, قليله الدسم
  • كوبايه ماء
  • ملعقة زيت زيتون
  • ملح
  • فلفل اسمر
  1. هنقع الرز نص ساعه
  2. هقطع الجزر مكعبات صغيره واسلقه نص سلقه بالماء على النار
  3. لو البسله فريش, هسلقها نص سلقه بردو. انما لو مجمده هشتغل بيها على طول
  4. بالنسبه للشوربه, ازاي اخليها قليله الدسم. بعد مابسلق الحمام او الفراخ او اللحمه, بسيبها تبرد. واحطها بالفريزر لحد ماتكون طبقه دسم فوق الوجه. بطلعها وبمعلقه بشيل الدسم ده. وبعدين بغلي الشوربه وابدأ اشتغل بيها عادي
  5. طيب كدا يبقى الرز اتنقع والبسله والجزر تمام. في حله على النار, هبدأ اشوح الخضار في ملعقة زيت زيتون. وانزل عليهم بالرز واقلبهم شويه مع بعض
  6. لو عندي لحمه معصجه, ممكن اضيف شويه وبعدين انزل بالشوربه والمياه المغليين. واظبط ملح الرز واضيف شويه فلفل اسمر
  7. اول ماياخد غلوه, هخفف النار عليه واسيبه يتشرب
  8. ملحوظه :كل كوب رز بني بياخد كوبين ماء او مرقه
  9. بالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →