→ كل الوصفات
#تحدي_الدجاج #رز ريزو بمكعبات الفراخ المقرمشة بأسهل وصفة وأحلى طعم😋👌♥️
المقادير
- 2 كوب رز مصري أو بسمتي
- بصله كبيره مبشوره
- مكعب مرقة دجاج
- ملح حسب الرغبة
- ملعقة كركم صغيرة
- زيت وزبده
- ماء حسب حاجة الرز
- 1/2 كيلو صدور فراخ متقطع مكعبات
- بصله مبشوره
- فصين ثوم مهروس
- 2 ملعقة خل كبيره
- 2 ملعقة زبادي
- 1/4 كوب لبن
- ملح حسب الرغبة
- رشة فلفل
- رشة بابريكا
- رشة بهارات فراخ
- عصير ليمون
- بقسماط
- 2 ملعقة دقيق
- كاتشب عند التقديم
طريقة التحضير
- أولا نتبل الفراخ بعد لما نغسلها كويس بالخل والملح نحوط عليها البصل والزبادي واللبن وكل المكونات والبهارات ونسبها حوالي ساعة في الثلاجه ولو سبتيها أكتر يكون أحسن☺️
- بعد كده نيجي للرز أولا نجيب حلة ونحوط فيها الزيت والذبده والبصل المبشور ولما يصفر لون البصل نحوط الرز ونقلب كويس ونحوط الكركم والملح ومكعب المرق وظبطي الملح على حسب ذوقك ونقلبهم مع بعض كويس عشان يفلفل معانا بعد كده نحوط مقدار الماء ولما يتشرب الماء نخفف النار ونسيبو لما يستوي معانا😉
- نيجي بئا للفراخ بعد لما أتبلت كويس نجيب طبق نحوط فية البقسماط والدقيق ونحوط ١/٢ملعقة كركم عليهم ونقلبهم بعد كده نحوط الفراخ ونغلفها كويس بالخليط ونحوطها في طبق وندخلها الفريزر 10 دقائق عشان متفكش معانا وأحنا بنحمرها بعد كده نحمرها في الزيت ☺️👌
- نقدم الرز في طبق ونحوط عليه قطع الفراخ وعليها الكاتشب وكلوها بئا بالهنا والشفا طريقة سهلة والطعم تحفة😋👌
- يارب تجربوها وتعجبكم🤗
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد