→ كل الوصفات
#تحدي-يوميات-رمضان
المقادير
- 3 كاسات رز بسمتي
- ½ كيلو لحمه مفرومه متبله بالملح فلفل اسود توم بصل بقدونس
- شرائح بصله مقطعه
- حبه فليفله مقطعه شرائح او مكعبات
- حبتين بندورة مفرومين ناعم
- سن توم
- مي لسلق الرز او مرقه جاج او لحم محضرة مسبقا
- ملح
- فلفل اسود
- كركم
- كاري
- بهارات خشنه
- توم بودرة
- زنجبيل بودرة
- 4 حبات هيل
- معلقتين كبار زيت
- معلقه كبيرة سمنه
- عود قرفه
- لوز
- زبيب حسب الرغبه
- بقدونس
طريقة التحضير
- * بنقع الرز وبتركه على جنب ،وبكور اللحمه المتبله كرات وبحطها بمقلايه وبشوحها وبتركها تستوي من الجهتين ، هلا بطنجرة بحوس كشنه الوجه بحط البصل والتوم مع شويه زيت وبس يدبلو بحط البندورة والفليفله وبحط عليهم شويه ملح وفلفل اسود وبتركهم يتسبكو
- هلا لطبخ الرز بجيب طنجرة بحط فيها سمنه وزيت وبنزل عليهم البصل والتوم والهيل وبهارات الكبسه الخشنه والقرفه والكركم ، وبحمسهم سوا وبنزل عليهم الرز البسمتي المنقوع والمغسول ،وبحوسهم وبحط عليهم مرقه الجاج او اللحم محضرة مسبقا او مي عاديه ، بتركهم يغلو او تلات دقايق ع نار عاليه بعدين بهدي الغاز وبتركهم يستوو بجيب جاط التقديم بحط الرز وبحط فوقه الكشنه وكرات اللحم وبزينه باللوز والزبيب والبقدونس
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد