→ كل الوصفات

رز مدخن بالخضار

طريقة عمل رز مدخن بالخضار سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 3 كاسات رز بسمتي
  • 2 كيلو صدور الدجاج مقطع طوليا
  • كاسة ذرة
  • كاسة بازيلا وجزر
  • حبتين بصل مقطع شرحات
  • حبة فلفل رومي لون اصفر
  • باكيت مرق الدجاج الفوري
  • ملعقة كبيرة كركم
  • ملعقة صغيرة فلفل اسود مطحون
  • ملعقة صغيرة هيل مطحون
  • ملعقة صغيرة بهارات مشكلة
  • لتر ماء مغلي
  • ½ كاسة زيت
  1. اول شي بنحط الزيت بالطنجرة ولازم نولع فحم ونضع قطعة قصدير بالطنجرة اللي فيها الزيت عالبارد بدون ما نولع تحته بس لازم الفحم يكون مجمر وبنحط الفحم بقطعة القصدير وبنضيف ملعقة زيت أو سمن وهيك رح يطلع دخان بنغطي الطنجرة لمدة عشرة دقايق وبنطلع الفحم وبنولع تحت الزيت
  2. بنضيف البصل الشرحات وبنقلب
  3. بنضيف قطع صدور الدجاج المقطع طوليا وبنقلب
  4. بنضيف الذرة والبازيلا والجزر وبنقلب وبنغطي لربع ساعة
  5. وبعدين بنضيف الفلفل الرومي الأصفر المقطع طوليا وبنقلب وبنغطي لربع ساعة وبنضيف لتر ماء مغلي وجميع البهارات المذكورة بالمكونات
  6. وبنضيف الرز المعسول والمنقوع وبنضيف ماء اذا احتاج لازم يغطي الرز متل اللي بالصورة وبنتركه يتفلفل على نار هادية لحتى يستوي وبنقلبها بعد ربع او نص ساعة من الاستواء وتزيين باللوز المقلي أو المكسرات حسب الرغبة
  7. ولا أطيب من هيك طبخة وصحتين وعافيه ♥️ جربوها رح تدمندوها
عجبتك الوصفة؟
شوف كل وصفاتنا في مكان واحد
كل الوصفات →