→ كل الوصفات
طريقة عمل رز معمر بالقشطه 🤤🥰 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو رز مصري
- لتر لبن كامل الدسم "حليب"
- 1 علبه كريمة طهي
- علبه قشطة
- 3 م ك سمنه بلدي
- جبنة موزاريلا "اختياري بس بتخلي حلو اوي"
- علبه زبادي جهينه او المراعي
- فص مستكة
- رشه جوز طيب وربع ما ص فلفل اسود وملعقة صغيرة ونص ملح او حسب الرغبة
- 2 كوب شوربة "مكنش عندي شوربة في هكتب مقادير بديله"
- 3 كوب مياه
- 3 ورقات لورى
- 2 حبهان، مرقه دجاج، ثوم وبصل بودر، توابل شوربة، ملعقة صغيرة توابل من الخلطه، زنجبيل، 3قرنفل، فلفل اسود
طريقة التحضير
- هنغسل الرز كويس وننقعه ربع ساعة في مياه دافيه "مش ساخنه" ونصفيه كويس، في حله نحط اللبن والكريمه والشوربه والمستكه و3م ك سمنه بلدي او زبدة ونسخنهم"اهم حاجه ميغليش يكون سخن بس"
- بعد ميسخن نقفل النار ونضيف الزبادي وملح وفلفل اسود ونقلب كويس عشان يمتزج كله، هندهن صينية مقاس25 بمعلقه ك زبدة او سمنه من القاع والجوانب وهنوزع ما ك قشطة في القاع تحت عشان يبقى كريمي خالص 🤤هنحط الرز ونوزعه ونضيف خليط الحليب ونتاكد انه مغطي الرز ب سم ونوزع على الوجه 3م كبار قشطة ونضيف سمنه بلدي على خفيف على الوجه عشان ياخذ لون والموزاريلا ونغطيها بورق فويل، هنشغل الفرن 180° ونحط الصينية من 40ل50 دقيقه او لحد الرز ميتشرب "حسب الفرن" بعد كدا نشيل الفويل ونخليها 10دقايق تحت الشوايه تأخذ لون
- بعد منخرجها نخليها ترتاح 10دقايق او ربع ساعة عشان القطع تبقي متمسكه ««بديل الشوربه»» هنحط الماء والتوابل ونغليها تأخذ غلوتين كدا،وبجد حلوه اوي جربوها🥰 قدمتها مع كول سلو وكفته فراخ ورقاق لحمة مفرومة ومشروم وبالف هنا 🩵
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد