→ كل الوصفات
برام وجبة متكاملة من الرز المعمر بالكبد والاوانص والخضار ووش جبنة موزاريلا تحفة في الطعم
المقادير
- 2 كوب ارز مصري مغسول ومتصفي
- 0.5 كيلو كبد على اوانص
- قرنين فلفل كبي اخضر مقطع مكعبات
- مكعبات بصلة بيضاء متوسطة مقطعة او بصل اخضر
- 2 كوب لبن دسم ساخن
- 2 كوب مرقة (شوربة دجاج) ساخن
- كوب بسلة (بازيلا)
- 0.5 كوب جزر مكعبات
- معلقة كبيرة ملح ورشة فلفل اسمر وبابريكا
- جبنة موزاريلا للوجه حسب الرغبة
- قشطة (يمكن الاستغناء عنها)
طريقة التحضير
- اول شيء هحضر البرام بتاعي وادهنه سمنة
- هدي الخضار البسلة (البازيلا)والجزر صدمة بسلقه نص سلقة او اسيبه يغلي عشر دقائق ورشة ملح خفيفة ونصفيه ويترك جانبا
- نقطع الكبد والاوانص متوسط الواحدة على 3 ونديهم صدمة وتشويحة مع البصل والفلفل في زيت بسيط او معلقتين سمنة ونديهم ملح وفلفل اسمر في طاسة على النار وتترك جانبا
- في البرام هنخلط الرز مع الخضار المسلوق مع الكبد والاوانص ونقلبهم ونضيفلهم الملح والفلفل الأسود والبابريكا ونساويهم
- نسقي الخليط ده بالسوائل المرقة واللبن بدون تقليب عشان نحافظ على توزيعهم بشكل جيد ونضيف، قشطة حسب الرغبة
- ندخل البرام على رف وسط في فرن حامي ونتابع التسوية كل ربع ساعة
- اما نلاحظ ان الرز. تشرب معظم السوائل نهدي النار تبقي متوسطة ونخرج البرام ونرش الجبنة الموتزاريلا على الوجه ويترك حتى تمام التسوية
- لاختبار التسوية بنخرج البرام ولو الرز لسة فيه سوايل بنكمل تسوية لحد ما يبقى مفلفل وجاف وحواف البرام يبدأ يظهر عليها التحمير
- لو مخدش وجه بنطفي الفرن ونولع الشواية دقائق حتى يحمر الوجه كما في الصورة ويتقدم بألف هنا ممكن مع دجاج مشوي
- ملحوظة : ممكن استبدال الكبد والاوانص بقطع دجاج مسلوقة نص سلقة ومتشوحة بتدي برده نتيجة لذيذة وبألف هنا وشفا 👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد