→ كل الوصفات
طريقة عمل رز ودجاج بنكهة كويتية سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- دجاجة كاملة مقطعه ومنزوع منها الجلد
- رز بسمتي منقوعه بماء
- توابل الرز
- 1 بصل احمر
- 1 بصل ابيض
- 3 فصوص ثوم
- 1 عود قرفة وسط
- 3 حبات هال
- 4 حبات من حبوب فلفل اسود
- زيت نباتي
- 2 ورق غار وسط
- 2 مكعب ماجي دجاج
- 1 مكعب ماجي خضرة
- ملح حسب الرغبة
- لتر ونص ماء
- تتبيلة الدجاج
- ملعقة صغيرة كمون
- ملعقة صغيرة كركم
- ملعقة صغيرة بابريكا
- 0.5 ملعقة صغيرة فلفل احمر
- ملعقة صغيرة من معجون ثوم وزنجبيل
- 0.5 ملعقة فلفل اسود
- 0.5 ملعقة ملح او على حسب الكميه المحتاجه
- زعفران
- بطاطا مقطع مكعبات صغيرة
- 0.5 ملعقه حليب
طريقة التحضير
- اول شي نخلط كل مكونات تتبيلة الدجاج ونقوم بتدليك الدجاج بالخلط ونستخدم نفي الخلطه للبطاط ونخليه على جنب لنصف ساعه
- انجهز قدر الرز انحط كل التوابل مع البصل وثوم ومكعبات ماجي ونصب عليهم ماء حار وشوي زيت نخليه حتى مايفور عقب انحط الرز المنقوع ونخليه يستوي نصف استوا تقريبا ياخذ ٩ دقايق بعدين انصفيه ونشل التوابل بس انخلي البصل وثوم
- ناخذ البصل الابيض انقصه ونحمره وبنفس الوقت انييب الحليب انسحخنه شوي بالمايكروويف بعدين نحط فيه الزعفران ونخليه على جنب
- بجدر انحط شوي من الرز الى طبخناه بعدين انرش شوي من البصل المحمر ومنقوع الحليب بعدين انكرر الحركه لكل طبقه، بعدين نقطيه بحكام بالمنيوه ونسكر عليه ونخليه على نار هاديه جدًا لنصف ساعه
- بالوقت الى ينطبخ فيه العيش ناخذ الدجاج والبطاط الى تبلناه ونقليهم
- وبالاخير نقدمهم مع دقوس كويتي على جنب
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد