→ كل الوصفات
طريقة عمل رز وملوخية ولحمة بعجين او صفيحة وتبولة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- لعمل التبولة منحتاج
- 5 باقات بقدونس منقا ومغسول ومصفا
- 2 خس كبيرة مغسول ومصفا
- حزمة بصل اخضر
- حزمة نعناع اخضر
- حبتين بندورة
- نصف كوب برغل ناعم منقوع بشوية مي
- ملح
- عصير ليمونتين
- نعناع يابس
- فليفلة حمرا مطحونة
- 0.5 كوب زيت
- لعمل الرز بلشعيرية منحتاج
- 4 كوب ارز قصير الحبة منقوع ساعة بلمي السخنةً
- 0.5 كوب سمنة
- 0.5 كوب شعيرية
- 8 كوب مي ساخنة
- ملح
- 0.5 كوب زيت نباتي
- لعمل الملوخية منحتاج
- دجاجة مغسولة ومسلوقا بلمطيبات
- ورق غار وعود قرفة وهيل حب وقرنفل حب وبصلة وثوم لسلق الدجاج
- كوب سمنة
- ملوخية يابسة مغسولة منيح ومصفينها من المي
- رأس ثوم مهروس
- ملعقة كبيرة مليانة ومعرمة فليفلة حمرا مطحونة
- عصير 6ليمونات
- ملعقة كبيرة كزبرا يابسة
- لعمل الصفيحة او لحمة بعجين منحتاج
- كيلو طحين
- رشة ملح
- كوب لبن رايب
- كيلو لحمةًناعمة مدهنة
- كيلو بصل مفروم ناعم جدا
- كيلو بندورة مفرومة ناعم
- باقة بقدونس مفروم ناعم
- باقة نعناع مفروم ناعم
- ملح
- فلفل اسود
- بهار اللحم
- ملعقة كبيرة دبس فليفلة
- ملعقة كبيرة دبس رمان
- ملعقة كبيرة معجون طماطم
طريقة التحضير
- لعمل التبولة بغسل الخضرا وبنقيها وبصفيها وبفرمها ناعم بضيف البرغل والملح والنعناع والفليفلة وعصير الليمون وزيت الزيتون بحركا وبحط التبولة بصحن التقديم وتقدم
- لعمل الرز بلشعيرية بنقع الرز بلمي السخنة ساعة بطنجرة عل النار بضيف السمنة والزيت وبضيف الشعيرية وبقلب لا تصير لونها اشقر بضيف عيار المي السخنة ٨كوب عل الشعيرية وبستنا لا تغلي بضيف الرز والملح بهدي النار وبسكر الطنجرة وبستنا لا يستوا الرز نضيف ساعة تقريبن
- لعمل الملوخية بغسل الدجاج بلمي بطنجرة الظغط بضيف الدجاج مع البهارات ورق الغار وعود القرفة والهيل والبصلة والثوم والقرنفل الحب وبضيف مي وبسكرطنجرة الضغط وبخلي الدجاج يستوا ساعة
- الملوخية مغسولة ومنقوعا بلمي ومصفاية بقلاية بحط ملعقة كبيرة مليانة سمنة مع شوية زيت وبضيف الملوخية شوي شوي لا خلص كل المقدار كزا مرحلة بضلني بقلب لا حتى تدبل الملوخية بحطا بلطنجرة وبرد بعمل كمية تاني اخر شي بحط شوية زيت وبحمس الثوم مع الكزبرا والفليفلة وبضيفا عل الملوخية بشوف الدجاج ستوا بشيلو وبشيل الجلد والعظم وبضيف قطع الدجاج عل الملوخية وبضيف مية الدجاج بضيف الملح وعصير الليمون وبسكر الطنجرة وبخليها ساعة لا تستوا معنا الملوخية
- لعمل الصفيحا بعجن العجينة بلبن الرايب وبخليها ترتاح ساعة بقطعا لا كرات كبيرة وبخلين يرتاحو ساعة افضل
- بمحضرة الطعام بضيف البصل والبندورة والبقدونس والنعناع لا يصير ناعم جدا بنزل اللحمة بضيف الملح والفلفل الاسود وبهار اللحم ودبس الفليفلة ومعجون الالطماطم ودبس الرمان وبقلبن كتير منيح لا احصل على حشوة ممتازة لا الصفيحا
- بفرد كل قطعة عجين قدر المستطاع بلشوبك رقيق بوزع اللحمة شوي شوي من الحرف اول شي وبوزع اللحمة عكل العجينة بحمي الفرن وبحطورقة زبدة عل صينية الفرن وبصفن جنب بعض وبدخلن الفرن ١٠دقايق من تحت بس يطلعو من الفرن بغطين لا يضلو محافظين عطراوتن وصحتين وهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد